15 август Абдулло Раҳмонзода - намояндаи ваколатдори Ҳукумати Ҷумҳурии Тоҷикистон, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади дидан намудан, аз рафти омодагиҳо ва корҳои ободониву созандагӣ баҳри истиқболи сазовори ҷашни 30-солагии Истиқлолияти давлатии Ҷумҳурии Тоҷикистон ба ноҳияи Деваштич сафари корӣ анҷом дод.

Абдулло Раҳмонзода нахуст аз рафти корҳои сохтмонии Муассисаи давлатии таълимии умумии №5 ва маркази хизматрасонии Ҷамоати деҳоти Муҷуни ноҳияи мазкур дидан намуда, барои дар сатҳи баланд омода намудани иншоот ба роҳбарияти ноҳия ва масъулини соҳа супоришҳо дод.

- Маориф яке аз самтҳои муҳим ва афзалиятноки сиёсати Ҳукумати мамлакат ба ҳисоб рафта, бо дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон ҳамасола садҳо иншооти соҳа бунёд ва мавриди истифода қарор дода мешавад, - таъкид кард, раиси Кумитаи кор бо ҷавонон ва варзиши назди Ҳукумати кишвар.

Сипас, раиси Кумита бо ҷараёни корҳои сохтмонӣ дар фермаи мурғпарварӣ ва чорводории Ҷамоати деҳоти Яхтан шинос гардида, барои муҷаҳҳазсозии иншооти бунёдшаванда ва таъсиси ҳарчи бештари ҷойҳои корӣ тасвияҳо доданд.

Ш. НУРМАТОВ, “ҶТ”