Ба таваҷҷуҳи тамоми иштирокдорон ва нафароне, ки давоми се моҳи охир моро пайгирӣ намуданд ва дар даври II озмуни ҷумҳуриявии “ТАРАННУМИ ВАТАН” фаъолона иштирок карданд, расонида мешавад, ки қабули маводҳо ба озмун ба охир расид.

Бо сабаби оне ки яке аз шартҳои асосии ғолибият дар озмун бештар мақбул донистани корбарон (лайк) ва тамошо (просмотр) дар гурӯҳи фесбукии рӯзнома аст, ба иштирокчиён 5 рӯзи дигар (то 5 сентябр) фурсат дода мешавад, ки фаъол бошанд ва маводҳои худро дар саҳифаҳои худ ва гурӯҳҳои дигар бознашр созанд.

Пас аз 5 сентябр озмун натиҷагирӣ карда шуда, ғолибон дар як чорабинии бошукӯҳи идона қадрдонӣ карда мешаванд.
Мо аз кулли нафароне, ки давоми ин муддат моро ҳамроҳӣ карданд, изҳори сипос менамоем.

Ёдовар мешавем, ки даври II озмуни ҷумҳуриявии “ТАРАННУМИ ВАТАН” бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Муассисаи давлатии рӯзномаи “Ҷавонони Тоҷикистон” ба муносибати 33-юмин солгарди Истиқлоли давлатӣ эълон гашта, аз рӯи ду номинатсия – қироати шеър ва хондани суруд се моҳ қабл эълон гардида буд.

Ғолибони даври II озмуни ҷумҳуриявии “ТАРАННУМИ ВАТАН” чунин қадрдонӣ карда мешаванд:

Номинатсияи қироати шеър:

БАРОИ ҶОЙИ 1 – 10 000 сомонӣ
БАРОИ 2 ҶОЙИ 2 – 7 000 сомонӣ
БАРОИ 3 ҶОЙИ 3 – 3 000 сомонӣ

Номинатсияи хондани суруд:

БАРОИ ҶОЙИ 1 – 10 000 сомонӣ
БАРОИ 2 ҶОЙИ 2 – 7 000 сомонӣ
БАРОИ 3 ҶОЙИ 3 – 3 000 сомонӣ

Ҳамчунин, 10 нафар иштирокчии фаъоли озмун ҳар яке бо 1000 сомонӣ қадрдонӣ карда мешаванд.