Ба диққати тамоми иштирокчиён ва онҳое, ки давоми як соли охир моро пайгирӣ намуданд ва дар озмуни ҷумҳуриявии “РАИЯТПАРВАР” фаъолона ширкат варзиданд, расонида мешавад, ки қабули маводҳо ба озмуни мазкур ба итмом расид.

Ба онҳое, ки дар доираи озмуни мазкур меҳрномаҳои худро акнун омодаву равон карданианд, расонида мешавад, ки баъди муҳлати қабули маводҳо ба итмом расидан низ матлабҳои онҳо дар саҳифаҳои рӯзнома ҷо дода мешавад. Аммо ба ҳайати ҳакамони озмуни “РАИЯТПАРВАР” танҳо маводҳое пешниҳод карда мешавад, то санаи 31 октябр ба унвонии рӯзнома ворид шуданду дар рӯзнома нашр шудааст.

Ба кулли онҳое, ки давоми як соли баргузории озмуни мазкур моро ҳамроҳӣ карданд ва матлабҳои худро барои нашр ирсол намуданд, изҳори сипос менамоем.

Ёдовар мешавем, ки озмуни ҷумҳуриявии “РАИЯТПАРВАР” бо ташаббуси Мақомоти иҷроияи ҳокимияти давлатии вилояти Хатлон дар якҷоягӣ бо  Муассисаи давлатии рӯзномаи “Ҷавонони Тоҷикистон” ҷиҳати ёдоварӣ, тарғиби бештари сиёсати ҷавонпарварона, дастгириҳои ҳамешагии ятимону барҷомондагон ва умуман тамоми табақаҳои ҷомеа аз ҷониби Пешвои миллат, эълон гардида буд.

Ғолибони озмуни ҷумҳуриявии “РАИЯТПАРВАР”-ро туҳфаҳои зерин интизор аст:

Шоҳҷоиза - 21 ҳазор сомонӣ

Барои ҷойи аввал - 15 ҳазор сомонӣ

Барои ҷойи дуюм - 9 ҳазор сомонӣ

Барои ду ҷойи сеюм - 6 ҳазор сомонӣ

Ҳамчунин, 5 иштирокчии ҷавони фаъол бо мукофотпулӣ дар ҳаҷми 3000 сомонӣ ва дигар туҳфаҳои хотиравӣ қадр карда мешаванд.