Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба 30-солагии таъсисёбии Қувваҳои Мусаллаҳи кишвар бо мақсади баланд бардоштани ҳисси ватандӯстию меҳанпарастии ҷавонон ва ҳавасманд гардонидани онҳо озмуни ҷумҳуриявии мақолаи беҳтаринро дар мавзӯи “Нақши Пешвои миллат дар таъсис ва ташаккули Қувваҳои Мусаллаҳи Ҷумҳурии Тоҷикистон” тавассути саҳифаҳои расмии фейсбукии Кумита ва рӯзномаи “Ҷавонони Тоҷикистон” миёни ҷавонони синни 14-30-сола эълон менамояд.

Иштирокчии озмун метавонад, мақолаи худро дар ҳаҷми на кам аз 4 саҳифа бо ҳуруфи муқарраршуда навишта, бо як адад расми электронии худ ва рақами телефон ба почтаи электронии diloshub.rozikov@mail.ru ирсол намояд.

Аз ҷониби бахши таҳлил ва иттилооти Кумита ва Муассисаи давлатии рӯзномаи “Ҷавонони Тоҷикистон” мақолаи ирсолнамудаи иштирокчӣ дар саҳифаҳои расмии фейсбукии Кумита ва рӯзнома бо рубрикаи “Ба озмун” инъикос карда мешавад.

Озмун аз ҷониби комиссияи босалоҳият ҷамъбаст карда шуда, ба ғолибон ва иштирокчиёни фаъоли озмун аз ҷониби Кумита туҳфаҳои хотиравӣ, аз қабили ноотбук, планшет ва асарҳои Пешвои миллат тақдим карда мешаванд.

Муҳлати қабули мақолаҳо то санаи 18 феврали соли 2023, соати 17:00 муқаррар гардидааст.

Барои маълумоти иловагӣ метавонед, ба суроғаи зерин муроҷиат намоед:

Кумитаи кор бо ҷавонон ва варзиши назди Ҳукумати Ҷумҳурии Тоҷикистон, кӯчаи Академик Раҷабовҳо 3.

Телефон барои тамос: 221 19 67, 904 06 60 74