ҶОМЕА
Сешанбе 18 Феврал 2020 12:41
6859
Академияи идоракунии давлатии назди Президенти Ҷумҳурии Тоҷикистон давоми соли 2019 тавонистааст, аз ҳисоби грантҳои гуногуни хориҷӣ ба маблағи 1 миллион доллари амрикоӣ ба буҷаи академия ворид намояду сифати таълиму тадрис ва шароити фаъолиятро дар он беҳтар созанд.

Ин нуктаро Абдухалил Ғафурзода, ректори Академияи идоракунии давлатии назди Президенти Ҷумҳурии Тоҷикистон зимни нишасти хабарӣ иброз дошта, дар идома гуфт:

 - Мо аз ҳисоби ин маблағ тамоми омӯзгорони донишкадаро бо компютерҳои нав таъмин кардем. Компютерҳои кории қаблии омӯзгоронро ба донишҷӯёне, ки дар хобгоҳи академия истиқомат мекунанд, супоридем, то истифода баранд. Ҳамчунин барои хароҷоти корҳои илмӣ-тадқиқотии устодон маблағҳои муайян ҷудо кардем, то дастгирие аз ҷониби академия ба онҳо шавад.

 Дар ҷараёни нишаст вобаста ба масъалаи хобгоҳи академия гуфта шуд, ки айни ҳол дар хобгоҳи донишкада, ки аз 11 қабат бо фарогирии 65 хона иборат аст, 201 нафар омӯзгорону донишҷӯён, магистрантон ва дигар кормандони академия истиқомат мекунанд. То ҳол дар хобгоҳи академия ҷойҳои холӣ дорем ва ҳар донишҷӯе ба мо муроҷиат кунад, бо хобгоҳ таъмин мекунем.

 -Дар нақша ҳаст, ки як бинои 12-ошёнагии дигар дар ҷойи бинои кӯҳнаи академия сохта шавад. Аз ҳисоби ин бинои сохташаванда мо метавонем, дар оянда тамоми донишҷӯён ва омӯзгоронамонро бо хобгоҳи дорои шароити мусоиди зист таъмин намоем, - гуфт Абдухалил Ғафурзода.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1

Феврал 2020 c.