Зери ин унвон имрӯз дар бинои Амонатбонки шаҳри Душанбе бахшида ба Рӯзи Президенти Ҷумҳурии Тоҷикстон ва иҷлосияи XVI Шӯрои Олии Ҷумҳурии Тоҷикистон чорабинӣ бо иштироки ҷавонони касбу кори гуногун, зиёиён ва фаъолон баргузор гардид.
  
Дар рафти чорабинӣ Дилноза Аҳмадзода, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамаи иштирокчиёни чорабиниро ба муносибати Рӯзи Президент табрик ва муборакбод намуда, таъкид кард, ки “ Тавре Пешвои муаззами миллат муҳтарам Эмомалӣ Раҳмон гуфта буданд, ки “Аксарияти аҳолии Тоҷикистонро ҷавонон ташкил медиҳанд, ки онҳо давомдиҳандаи кори фаъолияти насли калонсол , нерӯи созанда ва иқтидори пешрафти ҷомеа, хулоса, ояндаи давлат ва миллат мебошанд.” Вақеан, инсон ҳамеша ба гузашти худ назар мекунанд ва он ба саволҳои имрӯзааш аз қабили чӣ тавр бояд зист, ба кадом самт бояд ҳаракат кунад, баҳри чӣ бояд кӯшад ва амсоли инҳо инсонро аз дирӯз ба имрӯз ва аз имрӯз ба оянда равона месозад. Дар ин радиф бо мурури замон назари наслҳо ва тасавуроти онҳо нисбати тағиротҳо ва рӯйдодҳо гугонгун шавад ҳам, дар баробари ин онҳо якдигарро пурра менамоянд. Дар асл, насли калонсол бо эҳсоосоти баланд иродаи тақдирро қабул мекунад, таҷрибаи бойи ҳаётӣ дорад ва далелҳои бисёрро дар роҳи фаъолияти хеш мушоҳида мекунад.

Дар навбати худ, ҷавонон, ки нисбати калонсолон таҷрибаи кофӣ надоранд, баъзан ба таври сатҳи далелҳо баҳогузорӣ намуда, навовариҳо ба онҳо зуд таъсир мерасонад ва вобаста ба замони муосир дорои андешаву тафакури нав мегарданд.”

Инчунин иброз намуд, ки “ҷавонони мо имрӯз аз зумраи саодатмандтарин наслҳо мебошанд, ки даврони ҷавонии онҳо ба чунин айёми зебову нусрат, тинҷиву амонӣ тарабу сури Истиқлолият, ҳамбастагиву ҳамдилии инсонҳо ва пайравӣ ба Пешвои муаззами миллат рост омадааст. Ҳар як ҷавони имрӯза бояд ифтихор аз он кунад, ки нисбати тиқдири имрӯзу фардои онҳо аз тарафи Сарвари давлат таваҷҷуҳи хоса дода мешавад ва барои боз ҳам ба мартабаҳои баландтар расидани он ҳамеша кушиш мекунанд.”

Ҳамзамон дар чорабинӣ Маликшо Неъматзода – раиси Федератсияи Иттифоқҳои касабаи мустақили Тоҷикистон, Сайфулло Сафаров ва Холиқзода Абдуманнон собиқадорони меҳнат иштирок ва суханронӣ намуданд.