Роҳбарияти Донишгоҳи техникии Тоҷикистон ба номи академик М. С. Осимӣ зимни нишасти хабарӣ изҳор карданд, ки бо вуҷуди таваҷҷуҳи зиёди роҳбарияти мамлакат ба фанҳои техникӣ довталабон ба равияҳои технологӣ кам таваҷҷуҳ зоҳир мекунанд.

Сабаби инро раҳбарияти Донишгоҳ ба он рабт медиҳад, ки ин соҳа душвориҳои худро дорад ва омӯзиши амиқи фанҳои дақиқу риёзиро талаб мекунад. Аммо, пас аз эълон гардидани саноатикунонии босуръати кишвар ҳадафи чоруми миллӣ ин нишондод хубтар гардида истодааст.

Аммо бо мақсади амалисозии яке аз ҳадафҳои стратегии мамлакат, яъне саноатикунии босуръати кишвар, раёсати Донишгоҳ мунтазам миёни толибилмон сӯҳбату мулоқотҳо доир намуда, дар ин самт корҳои фаҳмондадиҳиро пурзӯр намудааст.