Дар шаш моҳи соли 2022 дар шаҳри Душанбе тавассути мусоидати мақомоти меҳнат ва шуғли аҳолӣ 5811 нафар шаҳрвандони бекор бо ҷойи кор таъмин карда шудаанд, ки аз ин шумора 3006 нафарашон занон мебошанд.

Дар ин бора имрӯз зимни нишасти матбуотии Мақомоти иҷроияи ҳокимияти давлатии шаҳри Душанбе иттилоъ дода шуд.

Ҳамзамон таъкид гардид, ки дар ин давра бо мақсади омӯзиши касбу ҳунар 1602 нафар шаҳрвандони бекор ба курсҳои кӯтоҳмуддати касбомӯзӣ сафарбар гардиданд, ки аз ин шумора 1463 нафарашро занон ташкил медиҳанд.