Эълон:Озмуни ҷумҳуриявии мақолаи беҳтарини публисистӣ миёни ҷавонон

Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар асоси барномаҳои соҳавӣ бахшида ба Рӯзи Президенти Ҷумҳурии Тоҷикистон бо мақсади талқин ва таҳкими ҳувияти миллӣ ва ҳисси баланди ватандӯстиву меҳанпарварии ҷавонон озмуни ҷумҳуриявии мақолаи беҳтарини публисистиро миёни ҷавонон дар мавзӯи “Ҷавонон ва манфиатҳои миллӣ” эълон менамояд.

Мақолаҳои публисистӣ ба унвонии Кумита то санаи 5 ноябри соли ҷорӣ тариқи почтаи электронии tjavononi@gmail.com ва тариқи хаттӣ дар суроғаи шаҳри Душанбе, кӯчаи Варзишгарон-6 қабул карда мешаванд.

Ғолибони озмуни мазкур дар арафаи Рӯзи Президенти Ҷумҳурии Тоҷикистон бо туҳфаҳои хотиравӣ қадрдонӣ мегарданд.