Фарзандхонӣ дар соли 2023, 1 593 ададро ташкил дода, он нисбат ба соли гузашта 44 адад кам аст.

Дар ин хусус Ашуриëн Музаффар, вазири адлияи кишвар зимни нишасти матбуотии ниҳодаш ба рӯзноманигорон иттилоъ дод.

Номбурда дар идома гуфт, дар ҷумҳурӣ давоми соли 2023 сабти ақди никоҳ 76 ҳазору 444 ададро ташкил дода, нисбат ба соли гузашта 5 ҳазору 642 адад зиëд аст. Аз ин шумора 109 ададро бо шаҳрвандони хориҷӣ ва 802 ададро нафарони ба синни никоҳӣ нарасида ташкил медиҳанд.

Ҳамчунин сабти бекоршавии ақди никоҳ 10 ҳазору 298 ададро ташкил медиҳад, ки нисбат ба соли 2022-юм 3 ҳазору 578 адад кам мебошад.

Г. КАРИМОВА, “ҶТ”