Аз 25 то 30 июн бахшида ба 29- умин солгарди Ҷашни Ваҳдати миллӣ дар шаҳру ноҳияҳои Файзобод, Роғун, Нуробод, Рашт, Тоҷикобод ва Лахш Фестивали ҷумҳуриявии “Дӯстии ҷавонон” баргузор мегардад.

Фестивал бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо мақомоти иҷроияи ҳокимияти давлатии шаҳру ноҳияҳои Файзобод, Роғун, Нуробод, Рашт, Тоҷикобод ва Лахш баргузор мегардад.

Мақсад аз баргузории фестивал таҳкими дӯстӣ дар миёни ҷавонон, шиносоӣ бо урфу одатҳои мардумони минтақа,тарбия намудани онҳо дар руҳияи ватандӯстӣ, арҷгузорӣ ба арзишҳои миллӣ ва таҳкими сулҳу субот арзёбӣ мегардад.

Дар доираи меҳмонии ҷавонон дар шаҳру ноҳияҳои болозикр баргузории барномаҳои гуногун, аз ҷумла ҳамоишу фестивал, машварату барномаи консертии “Шоми ҷавонӣ” ва бозиҳои гуногуни варзишӣ дар назар аст. Иштирокчиён бо мавзеъҳои таърихии ин шаҳру ноҳияҳо низ шинос мешаванд.