24 феврал дар толори Муассисаи давлатии Маркази тиббии шаҳрии №3 семинари омӯзишӣ дар мавзӯи “Бемории фишорбаландии шараёнӣ ва пешгирии он” бо иштироки намояндагони муассисаҳои табобатию профилактикии шаҳри Душанбе баргузор гардид.

Дар семинари мазкур, Ҳакимов Ёдгорҷон - интерни кафедраи бемориҳои дарунии №2-и Донишгоҳи давлатии тиббии Тоҷикистон ба номи Абуалӣ Ибни Сино ба иштирокчиён дар бораи бемории фишорбаландӣ маълумоти муфассал дода, таъкид намуд, ки бемории фишорбаландиро ба ду категория - обтималӣ ва нормалӣ ҷудо кардаанд, ки ҳарду категорияи ин беморӣ табобатшаванда мебошад. Ҳамчунин гуфта шуд, ки гирифторшавии ҷавонон ба ин беморӣ нисбати калонсолон камтар ба назар мерасад ва ҷавонон онро сабуктар паси сар мекунанд. Сабабаш дар он аст, ки ҷавонон бунияи пурқувват доранд.

Масъулин мақсад аз баргузории чунин семинарҳоро баланд бардоштани сатҳи дониш ва фаҳмиши аҳолӣ арзёбӣ намуданд.

Хотиррасон мекунем, ки ин гуна семинарҳо аз ҷониби Муассисаи давлатии Маркази шаҳрии ташаккули тарзи ҳаёти солим ҳар ҳафта як маротиба гузаронида мешаванд.