Дар боғӣ фарҳангию фароғатии шаҳри Кӯлоб, 1 октябр, маъракаи  гусели 60-нафар наваскарон ба сафи Қувваҳои мусаллаҳи ҷумҳурӣ  доир гардид.

Хайрулло Амонулло, раиси шаҳри Кӯлоб, зимни гусели наваскарон қайд намуданд, ки ҷавонони Кӯлобшаҳр  дар ҳама давру замон ҳимоятгари Ватан ва марзу буми он буданд ва барои ҳимояи ҳар як каф хоки диёр мардонавор истодагарӣ намуда, хоки аҷдодиро аз ҳамлаи душманон  дифоъ намудаанд. Боварӣ дорем, ки Шумо қарзи  худро ҳамчун ворисони бонангу номуси гузаштагони худ бо сарбаландӣ иҷро намуда, амнияти кишварро бо дилу ҷон ҳифз менамоед ва садоқати худро ҳамчун муҳофиз ва такягоҳи боэътимоди Ватану ватандорӣ  исбот месозед.