ҶОМЕА
Чоршанбе 17 Апрел 2024 02:35
Аз рӯнамоии китоби тозанашр то қадрдонии ғолибон дар маросими ҷамъбастии як озмуни “Ҷавонон...”
Дар Китобхонаи миллии Тоҷикистон, 9 ноябр Конференсияи ҷумҳуриявии “Иҷлосияи XVI Шурои Олӣ ва эҳёи худшиносии миллӣ” доир гардид. Дар доираи кори конференсия маросими ҷамъбастии озмуни ҷумҳуриявии рӯзномаи “Ҷавонони Тоҷикистон” таҳти унвони “Иҷлосияи XVI Шурои Олӣ ва эҳёи худшиносии миллӣ”, ки зери сарпарастии Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо раёсатҳои кор бо ҷавонон ва варзиши шаҳри Душанбе ва вилояти Суғд эълон гардида буд, ҷамъбаст гардид. Ҳамчунин, дар доираи ин чорабинӣ китоби “Иҷлосияи XVI Шурои Олӣ ва эҳёи худшиносии миллӣ”, ки фарогири маводҳои дар озмуни мазкур пешниҳодгардида буд, рӯнамоӣ шуд.
Дар конференсия Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Шодихони Назар, сармуҳаррири МД рӯзномаи “Ҷавонони Тоҷикистон”, Дилрабо Мансурӣ, муовини Раиси Маҷлиси намояндагони Маҷлиси Олии Ҷумҳурии Тоҷикистон, Хидирзода Махфират Умар, доктори илмҳои фалсафа, профессор, Ато Ҳамдам, Нависандаи халқии Тоҷикистон ва дигар намояндагони вазорату идораҳо ва васоити ахбори оммаи Тоҷикистон иштироку суханронӣ намуданд.
Конференсия бо садо додани Суруди миллӣ оғоз гардида, Шодихони Назар, сармуҳаррири рӯзномаи “Ҷавонони Тоҷикистон” кулли иштирокчиёнро ба конференсияи мазкур хушомадед гуфт.
Сипас, сухани ифтитоҳӣ ба Абдулло Раҳмонзода дода шуд. Ӯ зимни баромади хеш гуфт, ки мо имрӯзҳо дар арафаи ду ҷашни барои миллати тоҷик бисёр муқаддас қарор дорем. Яке аз ин ҷашнҳо солгарди Иҷлосияи таърихии XVI Шурои Олӣ ва дигаре Рӯзи Президент аст, ки ин ду ҷашн барои мардуми тоҷик, махсусан аҳли фарҳангу адаб бисёр муқаддасу гиромӣ буда, ҳарду бозгӯи ҷоннисориҳои як шахсияти таърихиву барои ин миллат тақдирсоз - Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад
- Дар бораи Иҷлосияи таърихии XVI Шурои Олии Тоҷикистон то ин муддат аҳли адабу зиёи кишвар зиёд навишта, дар фароварди ин солҳо перомуни ин воқеа садҳову ҳазорон мақола ва даҳҳо маҷмуаву китобҳо бо зевари нашр ороста шудаанд. Ба гумони ин ҷониб, ки аксари он нигоштаҳоро варақ задаву мутолиа кардаам, чунин менамуд, перомуни ин санаи таърихӣ нигоштану ҳарфи нав гуфтан ба содагӣ даст нахоҳад дод. Аммо замоне, ки масъулини рӯзномаи “Ҷавонони Тоҷикистон” бо як тасмими ҷиддие дар ҳошияи 30-солагии Иҷлосияи XVI Шурои Олии Тоҷикистон озмуни “Иҷлосияи XVI Шурои Олӣ ва эҳёи худшиносии миллӣ”-ро эълон доштанду давоми сол ҳар ҳафта як ё ду нигошта дар мавриди ин воқеаи таърихӣ аз ҷониби аҳли қалам дар саҳифаҳои рӯзнома ба табъ мерасид, то ҷое андешаи моро дигар кард.
Ҳар ҳафта як факт, як шарҳ ва як нигоҳи нав дар бораи Иҷлосия гувоҳи он буд, ки ҳанӯз дар бораи ин воқеаи таърихӣ ногуфтаҳо зиёданд. Ва воқеан он бардоштҳое, ки давоми сол аз мақолаву мусоҳибаҳо ва ёддошту пайнавиштҳое, ки дар рӯзномаи “Ҷавонони Тоҷикистон” нашр шудаанд, хеле чизҳои дигарро бароям равшан кард.
Инчунин дар конфронси мазкур Махфират Хидирзода, доктори илмҳои фалсафа, профессор, узви Комиссия марказии интихобот ва раъйпурсии Ҷумҳурии Тоҷикистон таҳти унвони “Иҷлосия XVI ва оғози раванди рушди давлатдорӣ” маърӯза карда, қайд намуд, ки дар таърих ҳаводисҳо хело зиёданд.
- Вақте дар як ҷомеаи ҷангзада, ки ҳисси бадбинӣ зиёд шуда истодааст, нафаре пайдо мешаваду дар бораи сулҳ гап мезанад, ин ҷавонмардии ӯро нишон медиҳад. Маҳз бо шарофати Пешвои муаззами миллат мо ба сулҳ расидем, ки аркони давлатдорӣ ва шохаҳои фалаҷшудаи ҳокимиятро дар мамлакат барқарор намуда, пояҳои Истиқлолияти давлатии Тоҷикистонро қавӣ намуд. Муҳимтар аз ҳама ин аст, ки дар Ватани азизамон ваҳдати миллӣ, сулҳи пойдору фазои озоди бунёдкориву созандагӣ фароҳам оварда шуд,- гуфт дар идомаи суҳбат Махфират Хидирзода.
Сипас, Ато Ҳамдам аз Иҷлосияи XVI Шурои Олӣ сухан намуда, зикр намуд, ки ин воқеаи беназири миллат акнун ба ҳукми таърих даромад ва таърихи 30 соли баъди Иҷлосия собит намуд, ки маҳз ҳамин анҷумани саодат барои рушди халқу миллати мо такони бузурге гардид.
Ӯ ҳамзамон ёдовар шуд, ки Иҷлосияи таърихии 16-уми Шурои Олӣ барои барқарорсозии сохти конститутсонии кишвар ва эъмори давлати демократӣ ва ҳуқубунёду дунявии Тоҷикистон оғози устувор бахшид ва заминаи нахустини ҳамдигарфаҳмию ризоияти миллӣ ва сулҳи тоҷиконро фароҳам овард.
- Дар ҳақиқат Иҷлосияи 16-уми Шурои Олӣ ва оштии миллӣ аз 27-уми июни соли 1997 дар солномаи таърихи навини халқи тоҷик бо ҳарфҳои заррину дурахшон сабт гардид. Гузашти вақт нишон дод, ки Ваҳдати миллӣ ва ҳамдигарфаҳмии афроди ҷомеа муҳимтарин омили пешрафти миллат мебошад. Маҳз бо шарофати ин рӯйдоди миллии таърихӣ мо тавонистем аркони давлатдорӣ ва шохаҳои фалаҷшудаи ҳокимиятро дар мамлакат барқарор намоем,- иброз дошт номбурда.
Дар идомаи конфронс Каромулло Одилов, иштирокчии Иҷлосияи XVI Шурои Олӣ аз вазъияти ногувори солҳои навадум ёдовар шуда, аз хизматҳои шоёни Сарвари давлат ва шукргузории ҷавонон, ки имрӯз дар фазои сулҳу субот ба сар мебаранд, ҳарф зад.
Пас аз суханронии иштирокчиёни конфронс ғолибони Озмуни ҷумҳуриявии “Иҷлосияи XVI Шурои Олӣ ва эҳёи худшиносии миллӣ” эълон гардиданд. Ғолиби ҷойи якум ва шоҳҷоизаи озмун Махфират Хидирзода эълон шуда, бо диплом ва мукофотпулӣ дар ҳаҷми 5 ҳазор сомонӣ қадрдонӣ шуд.
Ато Ҳамдам, сазовори ҷойи дуюм гардида, бо мукофтотпулӣ дар ҳаҷми 3 ҳазор қадр карда шуд. Ҷойи сеюм насиби Каромулло Одилов шуд, ки мукофотпулии он 2 ҳазор сомониро ташкил медод.
Дар ин баробар ба се нафари дигар барои иштироки фаъолона ва баррасии ҳамаҷонибаи мавзуъ ифтихорнома ва туҳфаҳои хотиравӣ - телевизиори плазмавӣ тақдим гардид.
Дар ин рӯйхат Мирзонабот Алишер Худобердӣ, раиси ВМКБ, Носирҷон Маъмурзода, номзади илмҳои филологӣ ва публитсисти шинохта Умари Шерхон шомил буданд.
Инчунин, дар озмун 5 нафар ҷавон - Ситора Одинаева, сармуҳаррири нашрияи “Кулябская правда”, Лашкар Шарифзода, мудири шуъбаи иттиллооти рӯзномаи “Ҷумҳурият”, Муқимҷон Алишехов, рӯзноманигори ҷавон аз вилояти Суғд, Сайёра Шукурзода, хабарнигори рӯзномаи “Ҷавонони Тоҷикистон” ва Нодира Ханҷарова, ки аз ҷониби аъзои ҳакамон миёни рӯзноманигорони ҷавон беҳтарин дониста шуданд, бо ифтихорнома ва мукофотпулӣ дар ҳаҷми 1000 сомонӣ қадрдонӣ шуданд.
Ҳамзамон, дар ҷамъбаст ба намояндагони якчанд ВАО, мақомот ва иштирокчиёни фаъол барои гузоштани саҳми муносиб дар татбиқи сиёсати давлатии ҷавонон, тарғиби дастовардҳои замони соҳибистиқлолӣ, таҳкими худшиносии миллӣ миёни аҳли ҷомеа ва иштироки фаъолона дар Озмуни ҷумҳуриявии “Иҷлосияи XVI Шурои Олӣ ва эҳёи худшиносии миллӣ” сипосномаҳо тақдим гардид.
Фарзонаи УМАРАЛӢ,
Гулбаҳор РАҲМОНОВА
“ҶТ”
Дар Китобхонаи миллии Тоҷикистон, 9 ноябр Конференсияи ҷумҳуриявии “Иҷлосияи XVI Шурои Олӣ ва эҳёи худшиносии миллӣ” доир гардид. Дар доираи кори конференсия маросими ҷамъбастии озмуни ҷумҳуриявии рӯзномаи “Ҷавонони Тоҷикистон” таҳти унвони “Иҷлосияи XVI Шурои Олӣ ва эҳёи худшиносии миллӣ”, ки зери сарпарастии Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо раёсатҳои кор бо ҷавонон ва варзиши шаҳри Душанбе ва вилояти Суғд эълон гардида буд, ҷамъбаст гардид. Ҳамчунин, дар доираи ин чорабинӣ китоби “Иҷлосияи XVI Шурои Олӣ ва эҳёи худшиносии миллӣ”, ки фарогири маводҳои дар озмуни мазкур пешниҳодгардида буд, рӯнамоӣ шуд.
Дар конференсия Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Шодихони Назар, сармуҳаррири МД рӯзномаи “Ҷавонони Тоҷикистон”, Дилрабо Мансурӣ, муовини Раиси Маҷлиси намояндагони Маҷлиси Олии Ҷумҳурии Тоҷикистон, Хидирзода Махфират Умар, доктори илмҳои фалсафа, профессор, Ато Ҳамдам, Нависандаи халқии Тоҷикистон ва дигар намояндагони вазорату идораҳо ва васоити ахбори оммаи Тоҷикистон иштироку суханронӣ намуданд.
Конференсия бо садо додани Суруди миллӣ оғоз гардида, Шодихони Назар, сармуҳаррири рӯзномаи “Ҷавонони Тоҷикистон” кулли иштирокчиёнро ба конференсияи мазкур хушомадед гуфт.
Сипас, сухани ифтитоҳӣ ба Абдулло Раҳмонзода дода шуд. Ӯ зимни баромади хеш гуфт, ки мо имрӯзҳо дар арафаи ду ҷашни барои миллати тоҷик бисёр муқаддас қарор дорем. Яке аз ин ҷашнҳо солгарди Иҷлосияи таърихии XVI Шурои Олӣ ва дигаре Рӯзи Президент аст, ки ин ду ҷашн барои мардуми тоҷик, махсусан аҳли фарҳангу адаб бисёр муқаддасу гиромӣ буда, ҳарду бозгӯи ҷоннисориҳои як шахсияти таърихиву барои ин миллат тақдирсоз - Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад
- Дар бораи Иҷлосияи таърихии XVI Шурои Олии Тоҷикистон то ин муддат аҳли адабу зиёи кишвар зиёд навишта, дар фароварди ин солҳо перомуни ин воқеа садҳову ҳазорон мақола ва даҳҳо маҷмуаву китобҳо бо зевари нашр ороста шудаанд. Ба гумони ин ҷониб, ки аксари он нигоштаҳоро варақ задаву мутолиа кардаам, чунин менамуд, перомуни ин санаи таърихӣ нигоштану ҳарфи нав гуфтан ба содагӣ даст нахоҳад дод. Аммо замоне, ки масъулини рӯзномаи “Ҷавонони Тоҷикистон” бо як тасмими ҷиддие дар ҳошияи 30-солагии Иҷлосияи XVI Шурои Олии Тоҷикистон озмуни “Иҷлосияи XVI Шурои Олӣ ва эҳёи худшиносии миллӣ”-ро эълон доштанду давоми сол ҳар ҳафта як ё ду нигошта дар мавриди ин воқеаи таърихӣ аз ҷониби аҳли қалам дар саҳифаҳои рӯзнома ба табъ мерасид, то ҷое андешаи моро дигар кард.
Ҳар ҳафта як факт, як шарҳ ва як нигоҳи нав дар бораи Иҷлосия гувоҳи он буд, ки ҳанӯз дар бораи ин воқеаи таърихӣ ногуфтаҳо зиёданд. Ва воқеан он бардоштҳое, ки давоми сол аз мақолаву мусоҳибаҳо ва ёддошту пайнавиштҳое, ки дар рӯзномаи “Ҷавонони Тоҷикистон” нашр шудаанд, хеле чизҳои дигарро бароям равшан кард.
Инчунин дар конфронси мазкур Махфират Хидирзода, доктори илмҳои фалсафа, профессор, узви Комиссия марказии интихобот ва раъйпурсии Ҷумҳурии Тоҷикистон таҳти унвони “Иҷлосия XVI ва оғози раванди рушди давлатдорӣ” маърӯза карда, қайд намуд, ки дар таърих ҳаводисҳо хело зиёданд.
- Вақте дар як ҷомеаи ҷангзада, ки ҳисси бадбинӣ зиёд шуда истодааст, нафаре пайдо мешаваду дар бораи сулҳ гап мезанад, ин ҷавонмардии ӯро нишон медиҳад. Маҳз бо шарофати Пешвои муаззами миллат мо ба сулҳ расидем, ки аркони давлатдорӣ ва шохаҳои фалаҷшудаи ҳокимиятро дар мамлакат барқарор намуда, пояҳои Истиқлолияти давлатии Тоҷикистонро қавӣ намуд. Муҳимтар аз ҳама ин аст, ки дар Ватани азизамон ваҳдати миллӣ, сулҳи пойдору фазои озоди бунёдкориву созандагӣ фароҳам оварда шуд,- гуфт дар идомаи суҳбат Махфират Хидирзода.
Сипас, Ато Ҳамдам аз Иҷлосияи XVI Шурои Олӣ сухан намуда, зикр намуд, ки ин воқеаи беназири миллат акнун ба ҳукми таърих даромад ва таърихи 30 соли баъди Иҷлосия собит намуд, ки маҳз ҳамин анҷумани саодат барои рушди халқу миллати мо такони бузурге гардид.
Ӯ ҳамзамон ёдовар шуд, ки Иҷлосияи таърихии 16-уми Шурои Олӣ барои барқарорсозии сохти конститутсонии кишвар ва эъмори давлати демократӣ ва ҳуқубунёду дунявии Тоҷикистон оғози устувор бахшид ва заминаи нахустини ҳамдигарфаҳмию ризоияти миллӣ ва сулҳи тоҷиконро фароҳам овард.
- Дар ҳақиқат Иҷлосияи 16-уми Шурои Олӣ ва оштии миллӣ аз 27-уми июни соли 1997 дар солномаи таърихи навини халқи тоҷик бо ҳарфҳои заррину дурахшон сабт гардид. Гузашти вақт нишон дод, ки Ваҳдати миллӣ ва ҳамдигарфаҳмии афроди ҷомеа муҳимтарин омили пешрафти миллат мебошад. Маҳз бо шарофати ин рӯйдоди миллии таърихӣ мо тавонистем аркони давлатдорӣ ва шохаҳои фалаҷшудаи ҳокимиятро дар мамлакат барқарор намоем,- иброз дошт номбурда.
Дар идомаи конфронс Каромулло Одилов, иштирокчии Иҷлосияи XVI Шурои Олӣ аз вазъияти ногувори солҳои навадум ёдовар шуда, аз хизматҳои шоёни Сарвари давлат ва шукргузории ҷавонон, ки имрӯз дар фазои сулҳу субот ба сар мебаранд, ҳарф зад.
Пас аз суханронии иштирокчиёни конфронс ғолибони Озмуни ҷумҳуриявии “Иҷлосияи XVI Шурои Олӣ ва эҳёи худшиносии миллӣ” эълон гардиданд. Ғолиби ҷойи якум ва шоҳҷоизаи озмун Махфират Хидирзода эълон шуда, бо диплом ва мукофотпулӣ дар ҳаҷми 5 ҳазор сомонӣ қадрдонӣ шуд.
Ато Ҳамдам, сазовори ҷойи дуюм гардида, бо мукофтотпулӣ дар ҳаҷми 3 ҳазор қадр карда шуд. Ҷойи сеюм насиби Каромулло Одилов шуд, ки мукофотпулии он 2 ҳазор сомониро ташкил медод.
Дар ин баробар ба се нафари дигар барои иштироки фаъолона ва баррасии ҳамаҷонибаи мавзуъ ифтихорнома ва туҳфаҳои хотиравӣ - телевизиори плазмавӣ тақдим гардид.
Дар ин рӯйхат Мирзонабот Алишер Худобердӣ, раиси ВМКБ, Носирҷон Маъмурзода, номзади илмҳои филологӣ ва публитсисти шинохта Умари Шерхон шомил буданд.
Инчунин, дар озмун 5 нафар ҷавон - Ситора Одинаева, сармуҳаррири нашрияи “Кулябская правда”, Лашкар Шарифзода, мудири шуъбаи иттиллооти рӯзномаи “Ҷумҳурият”, Муқимҷон Алишехов, рӯзноманигори ҷавон аз вилояти Суғд, Сайёра Шукурзода, хабарнигори рӯзномаи “Ҷавонони Тоҷикистон” ва Нодира Ханҷарова, ки аз ҷониби аъзои ҳакамон миёни рӯзноманигорони ҷавон беҳтарин дониста шуданд, бо ифтихорнома ва мукофотпулӣ дар ҳаҷми 1000 сомонӣ қадрдонӣ шуданд.
Ҳамзамон, дар ҷамъбаст ба намояндагони якчанд ВАО, мақомот ва иштирокчиёни фаъол барои гузоштани саҳми муносиб дар татбиқи сиёсати давлатии ҷавонон, тарғиби дастовардҳои замони соҳибистиқлолӣ, таҳкими худшиносии миллӣ миёни аҳли ҷомеа ва иштироки фаъолона дар Озмуни ҷумҳуриявии “Иҷлосияи XVI Шурои Олӣ ва эҳёи худшиносии миллӣ” сипосномаҳо тақдим гардид.
Фарзонаи УМАРАЛӢ,
Гулбаҳор РАҲМОНОВА
“ҶТ”
Хабарҳои дигар
Рӯзнома
Эзоҳи худро нависед