ҶОМЕА
Душанбе 20 Май 2024 12:52
6681
Бо иштироки раиси Вилояти Мухтори Кӯҳистони Бадахшон Ёдгор Файзов ва муовини вазири тандурустӣ ва ҳифзи иҷтимоии аҳолии Тоҷикистон Шодихони Ҷамшед бинои нави Коллеҷи тиббӣ дар маҳаллаи Хоруғи Болои шаҳри Хоруғ мавриди баҳрабардорӣ қарор гирифт.

Муассисаи тиббӣ аз панҷ ошёна иборат буда, дар он тамоми имконоти зарурии таълим барои 240 донишҷӯ ва хобгоҳ барои 100 ҷой аз рӯи стандарти муосир фароҳам оварда шудааст.

Инчунин иншоот аз бинои таълимӣ, толори маҷлисӣ, ошхона, синфхонаҳои муҷаҳҳази фаннӣ, аз ҷумла барои дарсҳои амалӣ, синфхонаи таҷрибавӣ ва дигар утоқҳои зарурӣ иборат мебошад.

Марвиди қайд аст, ки коллеҷи тиббӣ бо харҷи 13 миллиону 700 ҳазор сомонии маблағҳои буҷети давлатӣ сохта шуда, ба корҳои сохтмонии он соли 2015 Асогузори сулҳу ваҳдати миллӣ - Пешвои миллат муҳтарам Эмомалӣ Раҳмон бо гузоштани санги асос оғоз бахшида буд.

Эзоҳи худро нависед



Рамзҳо дар расм