Ҷавонони ҷамоати Вери ноҳияи Шуғнон барои бонувони 8 деҳаи ҷамоат барномаи консертӣ баргузор намуданд.

Бино ба иттилои Юсуф Асадбеков, яке аз ташаббускорони чорабинӣ, дар он беш аз 150 нафар модарону хоҳарон ширкат доштанд.

Ғайр аз суруду таронаҳои дилнишин дар васфи модар, ҳамчунин саҳначаҳои ҷолиб, рақсҳои халқӣ, қироати шеърҳо ва намоишҳои хотирмон аз ҷониби ҷавонон пешкаши бонувон гаштанд.

Раиси ҷамоат Носир Суриев ҳозиринро ба муносибати Рӯзи модарон табрику таҳният гуфта, ба 8 нафар аз фаъолзанон мукофотпулӣ тақдим намуд.