ҶОМЕА
Шанбе 20 Апрел 2024 03:24
9597
Дар шаҳри Риёзи Подшоҳии Арабистони Саудӣ 2 август мулоқоти Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Солеҳ Сулаймон Ал Вуҳайбӣ, роҳбари Ассамблеяи умумиҷаҳонии ҷавонони мусалмон баргузор шуд.

Дар ин бора бахши таҳлил ва иттилооти Кумитаи кор бо ҷавонон ва варзиш иттилоъ додааст.

Ба таъкиди манбаъ, дар мулоқот раиси Кумитаро Сафири Фавқулода ва Мухтори Ҷумҳурии Тоҷикистон дар Подшоҳии Арабистони Саудӣ Акрам Каримӣ ва дигар масъулини соҳаи кор бо ҷавонон ҳамроҳӣ намуданд.

Дар ҷараёни мулоқот гуфта шуд, ки бо шарофати сиёсати оқилонаи пешгирифтаи Президенти Ҷумҳурии Тоҷикистон, муҳтарам Эмомалӣ Раҳмон дар зарфи 31 соли соҳибистиқлолӣ кишвари мо тавонист, бо 173 кишвари олам ва зиёда аз 55 ташкилоти бонуфузи байналмилалӣ муносибатҳои хуби ҳамкорӣ ба роҳ монад. Ин гуна принсип дар муносибатҳои байналмилалӣ ба сохторҳои давлатӣ, аз он ҷумла ба Кумитаи кор бо ҷавонон ва варзиш имкон дод, ки бо ҳама созмонҳо ва сохторҳои давлатие, ки дар самти кор бо ҷавонон ва варзиш кору фаъолият мекунанд, муносибатҳои расмӣ ва ғайрирасмии дӯстона дошта бошад.

Дар ҳошияи мулоқот оид ба паҳлуҳои мухталифи ҳамкориҳои минбаъда ибрози андеша карда шуда, Ёддошти тафоҳум байни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Ассамблеяи умумиҷаҳонии ҷавонони мусалмон дар соҳаи кор бо ҷавонон ба имзо расонида шуд.

"ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.