Дар нимсолаи аввали соли ҷорӣ Агентии назорати маводи нашъаовари назди Президенти Ҷумҳурии Тоҷикистон аз муомилоти ғайриқонунӣ 366 кг 785 грамм маводи нашъаовар мусодира намудааст. Дар ин бора Ҳабибулло Воҳидзода, директори Агентӣ 2 август зимни нишасти матбуотии худ иттилоъ дод.

Бино ба иттилои Воҳидзода ин нишондод нисбати ҳамин давраи соли гузашта 114 кг 956 грамм ё 45,6 фоиз зиёд мебошад.

Инчунин гуфта шуд, ки дар ин давра аз ҷониби Агентӣ 69 (2022-82) ҷинояти вобаста ба маводи нашъаовар ошкор карда шудааст, ки ин нишондод нисбат ба ҳамин давраи соли гузашта 15,9 фоиз (13 ҷиноят) кам мебошад.

Я. МАҲМАДНАБИЕВ,
Р. ОДИНАЕВ, “ҶТ”