Тибқи иттилои Агентии омори назди Президети Ҷумҳурии Тоҷикистон, дар кишвар дар соли 2021 24 ҳазору 118 ҷиноят ба қайд гирифта шудааст, ки аз ин шумора 5241 ададаш ҷиноятҳои вазнин ба шумор мераванд.

Бино ба иттилои манбаъ, ҷиноятҳои вазнин дар соли 2021 нисбати ба соли 2020 4,2 фоиз зиёд гардидааст. Умуман ҷинояткорӣ дар кишвар нисабти соли 2020 бақйдгирии ҳодисаҳои таҷовуз ба номус ва сӯиқасд ба он 52,9 фоиз, қасдан расонидани зарари вазнин ба саломатӣ 11,1 фоиз, дуздӣ 3,7 фоиз, роҳзанӣ 15,2 фоиз, қаллобӣ 13,9 фоиз ва вайрон кардани қоидаи ҳаракати роҳҳо 8,8 фоиз зиёд шудааст.

Ҳамзамон бақайдгирии ҳодисаҳои куштор ва сӯиқасд дар соли 2021 нисбати соли 2020 3,7 фоиз, ғоратгарӣ 14,3 фоиз, авбошӣ 7,6 фоиз, ҷиноятҳои вобаста ба маводи мухаддир 0,8 фоиз кам шудааст.

Ошкоркуни умумии ҷиноятҳо дар соли 2021 80,5 фоизро ташкил мекунад, ки ин шумора дар соли 2020 83,0 фоизро ташкил медод.