Дар ин бора Раҳмон Юсуф, прокурори генералии Ҷумҳурии Тоҷикистон 13 - уми июл зимни нишасти хабарӣ иттилоъ дод.

Ҳамчунин ӯ зикр кард, ки ҳифзи ҳуқуқи ноболиғон ва ҷавонон яке аз вазифаҳои муҳими мақомоти прокуратура ҳисоб ёфта, дар ин самт корҳои назаррас анҷом шудааст. Аз натиҷаи санҷишҳои гузаронидаи кормандони мақомоти прокуратура дар давраи ҳисоботӣ 2630 санади эътиноӣ - прокурорӣ тартиб дода шудааст, ки дар асоси онҳо 4618 нафар ба ҷавобгарии интизомӣ, модӣ ва маъмурӣ кашида шуда, 356 парвандаи ҷиноятӣ оғоз гардид.

Ҳамчунин гуфта шуд, ки бо чораҳои андешидашуда, сатҳи ҷинояткорӣ миёни ноболиғон дар нимсолаи аввали соли ҷорӣ рӯ ба пастравӣ ниҳода, шумори чунин ҷиноятҳо нимсолаи аввали соли гузашта 398 ва дар давраи соли 2021 390-ро ташкил медиҳад.