ҶОМЕА
Шанбе 27 Июл 2024 05:12
Паст будани суръати интернет дар Ҷумҳурии Тоҷикистон ва шикояти ҳамарӯзаи шаҳрвандон аз он пӯшида нест. Вале чунин ба назар мерасад, ки вақтҳои охир суръати он аз қабл дида, боз ҳам пасттар гардидааст. Имрӯзҳо ҳангоми ворид шудан ба шабакаҳои иҷтимоӣ надидан ғайриимкон аст, ки касе аз суръати пасти интерент шикоят накарда бошад. Дар тамоми саҳифаҳо ва гурӯҳҳо мардум аз ширкатҳои мобилӣ ва суръати пасти интернет шикоят мекунанд.
Дилшод дар гурӯҳи фейсбукӣ низ шикоят аз он мекунад, ки суръати интернет яку якбора паст шудааст. Ӯ аз ширкати мобилие, ки истифода мекунад, талаб менамояд, ки ба мушкилаш расидагӣ кунад.
Аз асабоният базӯр худамро дошта истодаам, суръати интернет яку якбора паст шуд. Тахфиф дар як моҳ ба итмом расид, аз рӯи ваъда 3 моҳ буд. Zet-MobileZet ҷавобатонро интизорем. Маҷбур шудам бо нархи 2 баробар зиёд интернет пакетатона харидорӣ кунам, аммо боз ҳам суръати интернет паст аст”.
Дар баробари ин ду нафар корбар ҳазорон нафари дигарро вохӯрдан мумкин аст, ки аз ниҳодҳои дахлдор роҳи ҳалли мушкили интернетро талаб мекунанд.
ХАДАМОТИ АЛОҚА ЧӢ МЕГӮЯД?
Илҳомҷон Атоев, муовини раиси Хадамоти алоқаи Тоҷикистон низ гуфт, ки нисбат ба интернети мобилӣ ин шабу рӯз шикоятҳо зиёд аст, ки омилҳои худро дорад.
Вале ба гуфтаи ӯ, суръати интернет дар муқоиса ба чанд соли қабл беҳтар шудааст. Ӯ мегӯяд, дар бисёр минтақаҳо гузариш аз низоми 3G ба 4G амалӣ шуда, сифати интернет хуб низ шудааст. Ин мақомдори Хадамоти алоқа ба нигаронӣ аз гарон будани нархи интернет низ гуфт, ки алтернатива аст, шаҳрвандон метавонанд аз дигар ширкат ё аз тарофаҳои арзонтар истифода баранд.
Номбурда гуфт, дар соли ҷорӣ суръати интернетро дар кишвар ба сатҳи 2,8 гигабит/сония баланд кардаанд.
- Барои он ки интернет суръаташ баланд бошад, тамоми реҷаи кории ширкатҳои мобилӣ истгоҳҳои заминавиро аз 3G ба 4G мубаддал бояд гарданд. Дар ин бора кор рафта истодааст. Ширкатҳо бо тавоноии хеш пойгоҳҳояшонро ба 4G гузаронида истодаанд ва ҳамин реҷа агар дар сатҳи дахлдор ба 4G гузарад, суръату сифати интернети мобилӣ хубтар мешавад”,-гуфт Илҳомҷон Атоев.
Оё роҳҳои ҳалле вуҷуд дорад, ки суръати интернет баланд шавад, то ин ки мардум аз шикоятҳои худ даст кашанд? Барои ин чӣ бояд кард?
Рустам Гулов, мутахассиси соҳаи фанновариҳои нав, мегӯяд пеш аз ҳама сабаби пасти суръати интернет, ин хусусияти фаъолияти Маркази ягонаи коммутатсионӣ (МЯК) аст.
- Азбаски тамоми трафики интернетӣ аз маркази ягона мегузарад, иқтидори он барои коркарди ҳаҷми зиёди трафик намерасад. Илова бар ин, трафик доимо зиёд мешавад, чунки ҳам истифодабарандагон зиёд шуда истодаанд, ҳам трафики онҳо. Аз ин рӯ, вазъ бо суръати пасти интренет рӯзҳои наздик беҳтар намешавад,-мегӯяд ҳамсуҳбати мо.
Ҳамзамон номбурда мегӯяд дар ҳолати аз байн бурдани МЯК ва сабук кардани назорат аз болои провайдерон (ширкатҳои хизматрасони соҳа)-и мустақил ин мушкилӣ ҳалли худро меёбад.
- Дар ин сурат онҳо метавонанд, озодона ба рушди базаи техникии худ маблағгузорӣ карда, технологияи нав ворид намоянд, то ки суръати интернет тезтар шавад, -илова намуд, Рустам Гулов.
Тибқи раддабандии ҷадиди “Speedtest Global Index”, ки бар асоси нишондодҳои моҳи марти соли равон таҳия шудааст, суръати интернети мобилӣ дар Тоҷикистон пасттарин ҳисобида шуда, миёни 141 кишвари ҷаҳон ба ҳаштгонаи қафомондатаринҳо шомил гардида, аз рӯи суръати интернети мобилӣ дар ҷойи 127 ва аз рӯйи интернети ноқилӣ дар зинаи 109 қарор гирифтааст.
Бояд гуфт, ки тибқи ин раддабандӣ миёни кишварҳои ИДМ Русия дар зинаи 92, Қазоқистон дар ҷойи 99-ум, Қирғизистон - 105-ум ва Ӯзбекистон - 133-ум қарор доранд. Дар садри ҷадвали раддабандӣ аз рӯйи интернети мобилӣ Аморати Муттаҳидаи Араб, Кореяи Ҷанубӣ ва Қатар ҷой гирифтаанд. Сингапур, Ҳонконг ва Руминия бошанд, аз рӯйи интернети ноқилӣ дар се зинаи аввали раддабандӣ қарор гирифтаанд. Зинаи охири радабандиро Судон ва Венесуэлла соҳиб шудаанд.
Мақоми пасти Тоҷикистон дар раддабандии мазкур дар ҳолест, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар як ҷаласаи моҳи февралӣ, ки соли равон баргузор шуда буд, аз сатҳу сифати интернет дар кишвар интиқод карданд. Бар асоси қарори Ҳукумат дар бораи вазифаҳо барои соли 2020, ки 3 феврал аз ҷониби Президенти кишвар имзо гардид, Хадамоти алоқа муваззаф карда шуд, ки суръату сифати интернетро беҳтар гардонад. Президенти кишвар суръати пасти интернетро яке аз омилҳои боздорандаи иқтисод, тиҷорат, фарҳанг, маориф ва сайёҳӣ хонда, мақомотро барои бартараф кардани ин мушкилӣ муваззаф намуд.
Ҳамзамон дар гузориши “Speedtest Global Index”, ки бар асоси нишондодҳои моҳи январ таҳия шудааст, суръати интернети мобилии Тоҷикистон, барои боргирӣ 8,98 Мбит дар сония ва барои воридсозӣ 5,04 Мбит дар сония арзёбӣ шудааст. Дар ҳоле ки суръати миёнаи интернети мобилӣ дар ҷаҳон 23,8 Мбит ва баландтарин 87,1 Мбит/сония баҳогузорӣ шудааст.
Дар Тоҷикистон ғайр аз суръати пасти интернет шаҳрвандон ҳамзамон аз нархи баланди он шикоят мекунанд, тибқи маълумотҳои оморӣ нархи интернет нисбати дигар кишварҳои Осиёи Марказӣ баланд шуморида мешавад. Вале масъалаи суръати пасти интернет нигаронкунанада аст, чун айни замон ки техникаву технология пеш рафта ва ҷомеаи ҷаҳонӣ побанди интернет ва фановариҳо шудааст, ҷомеаи моро низ зарур аст, ки ҳамқадами замона бошанд.
Дилшод дар гурӯҳи фейсбукӣ низ шикоят аз он мекунад, ки суръати интернет яку якбора паст шудааст. Ӯ аз ширкати мобилие, ки истифода мекунад, талаб менамояд, ки ба мушкилаш расидагӣ кунад.
Аз асабоният базӯр худамро дошта истодаам, суръати интернет яку якбора паст шуд. Тахфиф дар як моҳ ба итмом расид, аз рӯи ваъда 3 моҳ буд. Zet-MobileZet ҷавобатонро интизорем. Маҷбур шудам бо нархи 2 баробар зиёд интернет пакетатона харидорӣ кунам, аммо боз ҳам суръати интернет паст аст”.
Дар баробари ин ду нафар корбар ҳазорон нафари дигарро вохӯрдан мумкин аст, ки аз ниҳодҳои дахлдор роҳи ҳалли мушкили интернетро талаб мекунанд.
ХАДАМОТИ АЛОҚА ЧӢ МЕГӮЯД?
Илҳомҷон Атоев, муовини раиси Хадамоти алоқаи Тоҷикистон низ гуфт, ки нисбат ба интернети мобилӣ ин шабу рӯз шикоятҳо зиёд аст, ки омилҳои худро дорад.
Вале ба гуфтаи ӯ, суръати интернет дар муқоиса ба чанд соли қабл беҳтар шудааст. Ӯ мегӯяд, дар бисёр минтақаҳо гузариш аз низоми 3G ба 4G амалӣ шуда, сифати интернет хуб низ шудааст. Ин мақомдори Хадамоти алоқа ба нигаронӣ аз гарон будани нархи интернет низ гуфт, ки алтернатива аст, шаҳрвандон метавонанд аз дигар ширкат ё аз тарофаҳои арзонтар истифода баранд.
Номбурда гуфт, дар соли ҷорӣ суръати интернетро дар кишвар ба сатҳи 2,8 гигабит/сония баланд кардаанд.
- Барои он ки интернет суръаташ баланд бошад, тамоми реҷаи кории ширкатҳои мобилӣ истгоҳҳои заминавиро аз 3G ба 4G мубаддал бояд гарданд. Дар ин бора кор рафта истодааст. Ширкатҳо бо тавоноии хеш пойгоҳҳояшонро ба 4G гузаронида истодаанд ва ҳамин реҷа агар дар сатҳи дахлдор ба 4G гузарад, суръату сифати интернети мобилӣ хубтар мешавад”,-гуфт Илҳомҷон Атоев.
Оё роҳҳои ҳалле вуҷуд дорад, ки суръати интернет баланд шавад, то ин ки мардум аз шикоятҳои худ даст кашанд? Барои ин чӣ бояд кард?
Рустам Гулов, мутахассиси соҳаи фанновариҳои нав, мегӯяд пеш аз ҳама сабаби пасти суръати интернет, ин хусусияти фаъолияти Маркази ягонаи коммутатсионӣ (МЯК) аст.
- Азбаски тамоми трафики интернетӣ аз маркази ягона мегузарад, иқтидори он барои коркарди ҳаҷми зиёди трафик намерасад. Илова бар ин, трафик доимо зиёд мешавад, чунки ҳам истифодабарандагон зиёд шуда истодаанд, ҳам трафики онҳо. Аз ин рӯ, вазъ бо суръати пасти интренет рӯзҳои наздик беҳтар намешавад,-мегӯяд ҳамсуҳбати мо.
Ҳамзамон номбурда мегӯяд дар ҳолати аз байн бурдани МЯК ва сабук кардани назорат аз болои провайдерон (ширкатҳои хизматрасони соҳа)-и мустақил ин мушкилӣ ҳалли худро меёбад.
- Дар ин сурат онҳо метавонанд, озодона ба рушди базаи техникии худ маблағгузорӣ карда, технологияи нав ворид намоянд, то ки суръати интернет тезтар шавад, -илова намуд, Рустам Гулов.
Тибқи раддабандии ҷадиди “Speedtest Global Index”, ки бар асоси нишондодҳои моҳи марти соли равон таҳия шудааст, суръати интернети мобилӣ дар Тоҷикистон пасттарин ҳисобида шуда, миёни 141 кишвари ҷаҳон ба ҳаштгонаи қафомондатаринҳо шомил гардида, аз рӯи суръати интернети мобилӣ дар ҷойи 127 ва аз рӯйи интернети ноқилӣ дар зинаи 109 қарор гирифтааст.
Бояд гуфт, ки тибқи ин раддабандӣ миёни кишварҳои ИДМ Русия дар зинаи 92, Қазоқистон дар ҷойи 99-ум, Қирғизистон - 105-ум ва Ӯзбекистон - 133-ум қарор доранд. Дар садри ҷадвали раддабандӣ аз рӯйи интернети мобилӣ Аморати Муттаҳидаи Араб, Кореяи Ҷанубӣ ва Қатар ҷой гирифтаанд. Сингапур, Ҳонконг ва Руминия бошанд, аз рӯйи интернети ноқилӣ дар се зинаи аввали раддабандӣ қарор гирифтаанд. Зинаи охири радабандиро Судон ва Венесуэлла соҳиб шудаанд.
Мақоми пасти Тоҷикистон дар раддабандии мазкур дар ҳолест, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар як ҷаласаи моҳи февралӣ, ки соли равон баргузор шуда буд, аз сатҳу сифати интернет дар кишвар интиқод карданд. Бар асоси қарори Ҳукумат дар бораи вазифаҳо барои соли 2020, ки 3 феврал аз ҷониби Президенти кишвар имзо гардид, Хадамоти алоқа муваззаф карда шуд, ки суръату сифати интернетро беҳтар гардонад. Президенти кишвар суръати пасти интернетро яке аз омилҳои боздорандаи иқтисод, тиҷорат, фарҳанг, маориф ва сайёҳӣ хонда, мақомотро барои бартараф кардани ин мушкилӣ муваззаф намуд.
Ҳамзамон дар гузориши “Speedtest Global Index”, ки бар асоси нишондодҳои моҳи январ таҳия шудааст, суръати интернети мобилии Тоҷикистон, барои боргирӣ 8,98 Мбит дар сония ва барои воридсозӣ 5,04 Мбит дар сония арзёбӣ шудааст. Дар ҳоле ки суръати миёнаи интернети мобилӣ дар ҷаҳон 23,8 Мбит ва баландтарин 87,1 Мбит/сония баҳогузорӣ шудааст.
Дар Тоҷикистон ғайр аз суръати пасти интернет шаҳрвандон ҳамзамон аз нархи баланди он шикоят мекунанд, тибқи маълумотҳои оморӣ нархи интернет нисбати дигар кишварҳои Осиёи Марказӣ баланд шуморида мешавад. Вале масъалаи суръати пасти интернет нигаронкунанада аст, чун айни замон ки техникаву технология пеш рафта ва ҷомеаи ҷаҳонӣ побанди интернет ва фановариҳо шудааст, ҷомеаи моро низ зарур аст, ки ҳамқадами замона бошанд.
Хабарҳои дигар
Рӯзнома
Эзоҳи худро нависед