ҶОМЕА
Якшанбе 27 Сентябр 2020 04:37
7319
Таҳти ҳамин унвон 14 сентябри соли ҷорӣ дар Донишгоҳи давлатии тиббии Тоҷикистон ба номи Абуалӣ Ибни Сино бо иштироки муовини аввали раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Назарзода Ризо ва намояндагони Вазорати тандурустӣ ва ҳифзи иҷтимоии аҳолӣ ҳамоиши кормандони ҷавони тиб ва ҳифзи иҷтимоӣ ташкил ва баргузор гардид.

Дар оғози ҳамоиш ректори донишгоҳи мазкур Гулзода Маҳмадшоҳ муҳтавои чорабиниро ба саъми ҳозирин расонида қайд намуд, ки: “Тибқи нақшаи чорабиниҳои Иттифоқи ҷавонони Тоҷикистон бо намояндагии ин ташкилоти бонуфуз миёни ҷавонон дар донишгоҳ чунин як ҳамоиш ташкил ва баргузор намуда, мавқеи хешро ҷиҳати ҷонибдорӣ аз номзадии пешбаринамудаи Иттифоқи ҷавонони Тоҷикистон ба мансаби Президенти Ҷумҳурии Тоҷикистон иброз дошта бошем”.

Муовини аввали раиси кумитаи ҷавонон Назарзода Ризо дар суханронии худ ба табибон иброз дошт, ки “Шумо фариштагони сафедпӯш ва ҳомии саломатии шаҳрвандон ба ҳисоб рафта, дар давраи ҳассоси пандемия аз ҷони худ гузар намудед ва бо ҳисси баланди ватандӯстӣ барои пешгирӣ аз ин вабои аср миёни мардум ҳамдаму ҳамроз гаштед. Ин қаҳрамонии шумо аз мадди назари Сарвари давлат ҳатто дур намонд. Ҳар яки моро лозим аст, ки барои пойдории амнияти шаҳрвандӣ ва сазовор истиқбол гирифтани маъракаи бузурги дар пеш истода, интихоботи Президенти Ҷумҳурии Тоҷикистон бо масъулияти баланд ба номазадии арзандаи хеш овоз дода, баҳри ояндаи дурахшони кишвари маҳбубамон саҳмгузор бошем”.

Дар рафти ҳамоиш аз ҷониби кормандон ва донишҷӯён баромадҳои пурмуҳтаво оид ба интихобот ва баргузории он ироа гардид. Гирандаи Ҷоизаи давлатии ба номи Исмоили Сомонӣ барои олимони ҷавон Маҳмудзода Хайём зимни баромади худ қайд намуд, ки “Бо шарофати Пешвои ҷавонпарвари миллат имрӯз ба ин ҷоиза сарфароз гардида, кӯшиш менамоям, ки барои такмили дониши худ ва муаррифии тибби тоҷик дар арсаи байналмилалӣ саҳмгузор бошам".

Саида НАРЗИЗОДА, "ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.