ҶОМЕА
Шанбе 25 Май 2024 10:22
9472
Имрӯз Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар чорабинии фарҳангӣ бахшида ба Рӯзи ҷавонони Тоҷикистон таҳти унвони “Насли имрӯз ва умеди фардо!”, ки дар тарабхонаи “Ҷавонон”-и шаҳри Душанбе бо ибтикори Кумитаи кор бо занон ва оилаи назди Ҳукумати кишвар ва МД Маркази таълимии “Чароғи ҳидоят” доир гардид, иштирок ва суханронӣ намуд.

Дар чорабинии мазкур Қурбонзода Ҳилолбӣ Ҷумъахон, раиси Кумитаи кор бо занон ва оилаи назди Ҳукумати кишвар, Абдулло Раҳмонзода, раиси Кумитаи кор бо ҷавонон ва варзиши назди Ҳукумати кишвар, Маликшо Неъматзода, раиси Федератсияи иттифоқҳои касабаи мустақили Тоҷикистон ва Зебунисо Рустамова, дорандаи медали Бозиҳои олимпии Монреал иштироку суханронӣ намуданд.

Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни баромади худ аз дастгириҳои ҳамешагии роҳбарияти олии кишвар нисбати насли ҷавони кишвар ёдовар шуд.

Таъкид гардид, ки ҷавонон ояндаи давлату миллат ба ҳисоб рафта, бояд онҳо ҳамеша пайи донишомӯзӣ бошанду бо сиҳибкасб гардидан, саҳми муносиби худро дар рушди соҳаҳои гуногуни хоҷагии халқи мамлакат гузоранд. Хеле хушоянд аст, ки имрӯз баробари дигар қишрҳои ҷомеа ҷавонон низ дар муаррифии шоистаи кишвари азизамон дар сатҳи ҷаҳонӣ саҳмгузоранд. Ҷавонон ҳамеша бояд ҳифзгару таҳкимбахши дастовардҳои замони соҳибистиқлолӣ бошанд ва дар пешрафти соҳаҳои интихобкардаи хеш талош намоянд.

Дар идома Маликшо Неъматзода, раиси Федератсияи иттифоқҳои касабаи мустақили Тоҷикистон ва Зебунисо Рустамова, дорандаи медали Бозиҳои олимпии Монреал низ доир ба Рӯзи ҷавонон ва ғамхориҳои ҳамешагӣ нисбати ин қишри ояндадори ҷомеа суханронӣ намуданд.

Дар охир барномаи хуби фарҳангӣ пешниҳоди иштирокчиёни чорабинӣ гардонида шуд.

Эзоҳи худро нависед



Рамзҳо дар расм