ҶОМЕА
Душанбе 30 Январ 2023 02:15
9132
24 ноябр дар майдони Парчами давлатии Ҷумҳурии Тоҷикистон дар шаҳри Хуҷанд ба муносибати Рӯзи Парчам ҳамоиши калони идона доир шуда, он бо садо додани Суруди миллии Тоҷикистон оғоз гардид.

Дар ин бора хадамоти матбуоти раиси вилояти Суғд иттилоъ додааст.

Бино ба иттилоъ, муовини раиси вилояти Суғд Анвар Яъқубӣ сокинони вилоятро аз номи Мақомоти иҷроияи ҳокимияти давлатии вилоят, бахусус аз номи муовини якуми раиси Маҷлиси миллии Маҷлиси Олии Ҷумҳурии Тоҷикистон, раиси вилояти Суғд Раҷаббой Аҳмадзода ба муносибати Рӯзи Парчами давлатии Ҷумҳурии Тоҷикистон, ки ҳамасола ба хотири арҷгузорӣ ба рамзи муқаддаси давлатӣ ва бузургдошти оину суннатҳои миллиамон таҷлил мегардад, табрик намуда, ҳамзамон афзуд, ки Парчами давлатии Ҷумҳурии Тоҷикистон ҳамчун рамзи Истиқлоли давлатӣ барои мо азизу мӯътабар буда, таҷлили ин санаи муборак дар радифи дигар ҷашнҳои миллию давлатӣ боиси ифтихор ва эътибору шарафи мардуми меҳанпарасти тоҷик аст.

Гуфта шуд, ки таҷлили Рӯзи Парчами давлатӣ, ки бо ибтикори Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҷашни умумимиллӣ табдил ёфт, яке аз муҳимтарин рўйдодҳои даврони соҳибистиқлолӣ дар таърихи давлатдории навини тоҷикон маҳсуб меёбад. Парчами давлатӣ ҳамчун нахустин рамзи давлати соҳибистиқлоли тоҷикон 24-уми ноябри соли 1992 дар Иҷлосияи 16-уми сарнавиштсози Шурои Олии кишвар, ки дар ҷараёни он тақдири давлатдории навини тоҷикон тарҳрезӣ гардида, дар роҳи таъмини сулҳу оромӣ, суботи сиёсӣ ва ваҳдати миллӣ, инчунин, ба сӯйи ҳадафҳои умумимиллӣ қадамҳои аввалин гузошта шуданд, қабул шуд ва имсол аз рӯзи қабули он сӣ сол сипарӣ гардид.

Сипас, аз ҷониби аҳли ҳунари вилоят барномаи рангини консертӣ пешниҳод гардид, ки тараннумгари сулҳу ваҳдат, ватандориву меҳанпарастӣ, арҷгузорӣ ба арзишҳои милливу давлатӣ буд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Январ 2023 c.