ҶОМЕА
Душанбе 29 Ноябр 2021 08:02
7900
Дар шаҳри Хоруғи Вилояти Мухтори Кӯҳистони Бадахшон ба муносибати ҷашни Наврӯз бо иштироки раиси вилоят Ёдгор Файзов, котиби Шӯрои амнияти Ҷумҳурии Тоҷикистон Насрулло Маҳмудзода, раиси шаҳр Мирзонабот Алишер Худобердӣ ва меҳмонону сокинони вилоят чорабинии тантанавӣ доир гардид.

Баъди боздид аз намоиши молу маҳсулот, ҳунарҳои мардумӣ, таомҳои миллию дастовардҳои сокинони ВМКБ Ё. Файзов дар симои ҷамъомадагон аҳли вилоятро ба ифтихори ид табрику муборакбод карда, изҳор дошт, ки мардуми шарафманду фарҳангпарвари тоҷик, аз ҷумла сокинони Бадахшон имсол Наврӯзро дар як рўҳияи баланди бунёдкориву созандагӣ, ифтихор аз давлату миллат ва таҷлили сазовори сисолагии Истиқлолияти давлатии кишвар пешвоз гирифтаанд.

Дар идома таъкид гардид, ки Наврӯз пайвандгари насли имрӯз бо расму ойин, арзишҳои зебоишиносӣ, меҳру садоқат ва анъанаҳои ниёгон ба ҳисоб рафта, он таърихи бою ғании аҷдодонро дорост. Ба туфайли соҳибистиқлолии Ҷумҳурии Тоҷикистон ва ташаббуси бевоситаи Пешвои муаззами миллат муҳтарам Эмомалӣ Раҳмон Наврӯз ҷаҳонӣ шуд ва имсол ба муносибати ин рӯйдод 11 сол сипарӣ мегардад. Мо тоҷикон, аз он мефахрем, ки ки ҷашни миллии мо фарохтар аз марзҳо рафта, аввалан дар ҳамаи минтақаҳои кишвар ва баъдан дар ҷаҳон мақому манзалати худро пайдо кард.

Сипас базми наврӯзии бошандагони вилоят ва аҳли ҳунару фарҳанг зери унвони “Тоҷикистон Ватани Наврӯз аст” пешкаш гардид, ки дар он беҳтарин созу суруд ва таронаҳои наврўзӣ суруда шуданд.

Бояд гуфт, ки инчунин ба муносибати ин ҷашн дар варзишгоҳи марказии шаҳри Хоруғ миёни паҳлавонони шаҳру ноҳияҳои вилоят ва ноҳияҳои тобеи маркази Ҷумҳурии Тоҷикистон баҳри дарёфти шоҳҷоиза (мошнини сабукрав) мусобиқаи гӯштини миллӣ баргузор гашт.

Дар мусобиқа паҳлавонони вазнҳои аз 60 то 80 кило боло рақобат намуда, ғолибон бо туҳфаҳои арзишманд аз тарафи мақомоти иҷроияи ҳокимияти давлатии шаҳр ва раиси вилоят қадрдонӣ шуданд. Шоҳҷоизаро паҳлавони маъруфи кишвар Фарҳод Шейхов (вазни аз 80 боло) соҳиб гардид.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.