Бо ибтикори Бахши кор бо ҷавонон ва варзиши шаҳри Левакант дар толори Литсеи касбии шаҳр дар мавзӯи “Истиқлолият - кафили сулҳу ваҳдат” мизи мудаввар доир гардид.

Дар чорабинии мазкур намояндагони мақомоти иҷроияи ҳокимияти давлатии шаҳр ва омӯзгорону касбомӯзони ин муассиса иштирок намуда, доир ба дастовардҳои замони истиқлолият суханронӣ намуданд.

Гуфта шуд, ки истиқлолият беҳтарин дастоварди миллат аст ва пойдору устувор нигоҳ доштани он дар чунин давраи ноороми сиёсии ҷаҳон аз ҳар яки мо ҳисси баланди ватандӯстӣ ва ҳушёриву зиракии сиёсиро талаб менамояд.