ҶОМЕА
Ҷумъа 22 Октябр 2021 02:28
8287
Зери ин унвон дар китобхонаи маркази ноҳияи Ишкошим ба номи Амирбек Ҳабибов бахшида ба 30 - солагии Истиқлолияти давлатии Ҷумҳурии Тоҷикистон конференсияи илмӣ – назариявӣ баргузор гардид.

Дар конференсия масъулини мақомоти иҷроияи ҳокимияти давлатии ноҳия, ҷавонону наврасон, кормандони китобхона ва сохторҳои маҳаллӣ иштироку баромад намуданд.

Шарифзода Диёр Соҳибназар, прокурори ноҳияи Ишкошим дар мавзӯи “Истиқлолият неъмати бебаҳо ва волои ҳаёти инсон” маърӯза карда, иброз намуд, ки аз файзу баракати соҳибистиқлолӣ кишвари маҳбуби тоҷикон таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон ҳамчун давлати осоиштаву сулҳофар дар арсаи олам муаррифӣ шудааст.

“Ҷасорату хизматҳои шоиставу арзандаи Пешвои муаззами миллат ҳаст, ки Истиқлоли миллӣ бесобиқа таҳкиму устувор гардида, пешрафти ҳамаи соҳаҳои кишвар дар зарфи 30 сол худ далели вусъати корҳои созандагӣ дар сартосари Тоҷикистон аст”, - тавзеҳ дод, Шарифзода Д. С.

Нигора Абдурасулова, сармутахассиси бахши кор бо ҷавонони мақомоти иҷроияи ҳокимияти давлатии ноҳия дар мавзӯи хеш оид ба “Истиқлолият ва ҷавонон” қайд намуд, ки дар даврони соҳибистиқлолӣ ба насли ҷавон таваҷҷуҳи беандоза зоҳир гардида, танҳо бо дастгириву ғамхориҳои пайвастаи Сарвари давлат ҷавонони кишвар, минҷумла ноҳияи Ишкошим аз шароиту имкониятҳои замони муосир баҳравар шуда, донишомӯзӣ ва тарзи ҳаёти солимро интихоб намуданд.

“Мо - ҷавонон, зодагони даврони соҳибистиқлол ҳамеша ҷонибдори сиёсати давлату Ҳукумати Ҷумҳурии Тоҷикистону пайравони асили Пешвои миллатем ва баҳри ободии кишвари азизамон тамоми талошҳоро ба харҷ медиҳем”, - афзуд, Н. Абдурасулова.

Таъкид гардид, ки сарчашмаи пешравию иқбол, зиндагии шоистаи мардум аз баракати ваҳдати миллӣ, ҳамдилӣ ва соҳибистиқлолӣ буда, дар ин раванд ҳамаи тоҷиконро мебояд, ки аз ҳарвақта бештар дар гирди Пешвои миллат муттаҳиду сарҷамъ бошанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.