Абдураҳмонзода Адолат, муовини аввали сардори Хадамоти алоқаи назди Ҳукумати ҷумҳурӣ 3-юми августи соли ҷорӣ, зимни нишасти матбуотӣ зикр кард, ки  истифобарандагони интернет дар якҷоягӣ бо истифодабарандагони интернети мобилӣ дар ҷумҳурӣ ба 2,8 миллион нафар расидааст, ки нисбат ба аввали соли равон 200 ҳазор ва нисбат ба нимсолаи якуми соли гузашта 1 миллион нафар кам мебошад. Аз ҳар 100 нафар шаҳрванди мамлакат 34 нафараш истифодабарандаи интернет ҳастанд.

Гуфта шуд, ки ҳоло шумораи муштариёни алоқаи мобилӣ 10 миллион нафарро ташкил медиҳад, ки 4,9 миллионаш фаъол ҳастанд. Ба ҳар 100 нафар шаҳрванди кишвар 63,0 адад дастгоҳи телефони мобилӣ ва 4,5 адад дастгоҳи телефони собит рост меояд.

Ҳаҷми пешакии хизматрасонии алоқа бо назардошти операторони хусусӣ дар шаш моҳи якуми соли 2016 1048,3 миллион сомониро дар бар мегирад, ки нисбат ба даромади умумии шаш моҳи аввали 2015 84 фоизро ташкил медиҳад.