Бо ибтикори Бахши кор бо ҷавонон ва варзиши шаҳри Хоруғ ва ризокорон ҳар ҳафта рӯзи шанбе дар боғи фарҳангӣ-фароғатии “Чорбоғ” барои кӯдакон машғулиятҳои таълимиву фароғатӣ ташкил карда мешавад.

Ба гуфтаи Имомёрбек Имомёрбеков, мудири Бахш, чунин машғулиятҳо ба мақсади ҳамоҳангсозии кӯдакон ба табиати зинда, эҳсоси ҳавои кушод ва рушду солимии онҳо роҳандозӣ мегардад.

Ғайр аз машғулиятҳои фароғатӣ масъулини Бахш ба кӯдакон забони модарӣ (тоҷикӣ), англисӣ, русӣ ва санъати тасвириро пешниҳод мекунанд.

Машҳур ИМОМНАЗАРОВ, “ҶТ”