Зери ин унвон бо ташаббуси Бахши кор бо ҷавонон ва варзиши шаҳри Кӯлоб ҷиҳати тозаву озода намудани кӯчаву гулгашт ва  хиёбонҳои шаҳр аксияи экологӣ баргузор гардид.

Аксияи мазкур бо мақсади саҳми арзанда гузоштан ба ободиву тозагии шаҳр ва муҳити атроф дар кӯчаи Сангак Сафаров ва боғи фарҳангӣ-фароғатии шаҳри Кӯлоб доир гардида, дар он беш аз 70 нафар ҷавонон иштирок намуданд.

Ба таъкиди масъулин иқдоми мазкур дар доираи “1300 рӯзи ободонӣ”, ки ба истиқболи 30 – солагии Истиқлолияти давлатии Ҷумҳурии Тоҷикистон эълон шудааст, гузаронида шуда, он барои зебо гардидани муҳити атроф манфиатнок аст.