Тибқи иттилои Агентии хизмати давлатии назди Президенти Ҷумҳурии Тоҷикистон то 1 январи соли 2021 дар соҳаи хизмати давлатӣ аз шумораи умумии 5718 нафар кадрҳои роҳбарикунанда 1098, яъне 19,2 дарсадро занон ташкил медиҳанд, ки ин теъдод нисбат ба ҳамин давраи соли гузашта, 51 нафар зиёд мебошад.

Дар ин бора 17 феврал Ҳилолбӣ Қурбонзода, раиси Кумитаи кор бо занон ва оилаи назди Ҳукумати Ҷумҳурии Тоҷикистон зимни нишасти хабарӣ иттилоъ дод.

Инчунин, раиси Кумита қайд намуд, ки дар 5 соли охир мақомотҳои марказӣ ва сохторҳои тобеи онҳо зиёда аз 4000 занро бо грантҳо ва ҷойҳои нави корӣ таъмин намудаанд. Ҳамзамон Кумита барои ҷалби бештари донишҷӯдухтарон ба хизмати давлатӣ ва дигар корҳои роҳбарикунанда курси шашмоҳаи омӯзиширо барои 50 нафар ба роҳ мондааст.