Давоми шаш моҳи соли равон ба прокуратураи Вилояти Мухтори Кӯҳистони Бадахшон 197 адад муроҷиати шахсони воқеӣ ва 11 муроҷиати шахсони ҳуқуқӣ ворид гашт, ки 106 адади онҳо мавриди баррасӣ қарор гирифта, талаботи 44 адад муроҷиат қонеъ карда шуд.

Дар ин бора прокурори ВМКБ Дороб Асозода иттилоъ дода гуфт, ки аз натиҷаи баррасии муроҷиатҳо дар умум 46 санади таъсиррасонии прокурорӣ бароварда шуд ва барои бартараф намудани қонунвайронкунӣ 20 амр ва ду пешниҳод ирсол гардид. Аз болои санадҳои мухолифи қонун қабулшуда ҳафт эътироз оварда шуда, 11 нафар ба ҷавобгарии маъмурӣ кашида шуданд. Дар маҷмӯъ зарар ба манфиати давлат, корхонаву муассисаҳо ва шаҳрвандон ба маблағи 1 миллиону 447 ҳазору 11 сомонӣ барқарор карда шуда, аз натиҷаи санҷишҳои гузаронидашуда ду парвандаи ҷиноятӣ нисбати шахсони мансабдор оғоз гардид, - иброз намуд прокурори вилоят.

Муроҷиатҳо асосан вобаста ба масъалаҳои қонунвайронкунии замин, баҳсҳои манзилу оилавӣ, меҳнат, фаъолияти оперативӣ – ҷустуҷӯӣ, таҳқиқу тафтиш ва аз болои қарорҳои суд ва ғайра мебошанд.

- Вобаста ба назорати риояи дақиқ, иҷрои якхелаи қонунҳои вобаста ба муроҷиати шаҳрвандон нишон медиҳад, ки дар фаъолияти шахсони мансабдор, корхонаю муассисаҳо то ҳол як қатор камбудиҳо ҷой доранд. Аз ҷумла, дар рафти санҷишҳои дар ин самт гузаронидашуда қонунвайронкуниҳои зиёд ошкор гардида, 133 санади таъсиррасонӣ – прокурорӣ бароварда шуда, 44 нафар ба ҷавобгарии интизомию маъмурӣ кашида шуданд, - гуфт Д. Асозода.

Дар робита ба соҳаҳои қонунгузорӣ дар маҷмӯъ 2 ҳазору 739 санади эътиноӣ – прокурорӣ татбиқ гардида, аз ҷумла 1 302 нафар ба ҷавобгарии интизомӣ ва моддиву маъмурӣ кашида шуд. Дар рафти санҷишҳо 31 парвандаи ҷиноятӣ оғоз гардиданд, ки аз онҳо 12 адад ҷиноятҳои коррупсионӣ ва хусусияти коррупсионидоштаро ташкил медиҳанд. Ҳамзамон, зарар ба маблағи 23 миллиону 813 787 сомонӣ барқарор гардида, аз ин маблағ 1 миллиону 215 ҳазор сомонӣ ба манфиати буҷети давлат рӯёнида шудааст.

Дар самти риояи қонунгузории замин аз тарафи прокуратураҳои вилояту шаҳр ва ноҳияҳо дар маҷмӯъ 283 санади эътиноӣ – прокурорӣ бароварда шуда, дар натиҷа 116 нафар ба ҷавобгарии интизомию маъмурӣ кашида шуданд. Инчунин ба 55 қарори мухолифи қонун эътироз оварда шуд, ки аз онҳо 50 адад қарорҳои раисони шаҳру ноҳияҳояанд.

Вобаста ба баргардонидани қарзҳои мушкилситони бонкӣ дар ин давра нисбати ҳафт нафар парвандаи ҷиноятӣ оғоз гардида, барои барқарор намудани зарар ба манфиати бонкҳо 26 амр дода шуд. Ҳамзамон бо санадҳои эътиноӣ – прокурорӣ ба маблағи 1 миллиону 50 ҳазору 556 сомонӣ ба фоидаи бонкҳо барқарор гашта, ҳашт аризаи даъвогӣ ба маблағи умумии 253 ҳазору 393 сомонӣ ва 6 ҳазору 927 доллари ШМА ба манфиати бонкҳо ба суди вилоятӣ баён карда шуд. Барои риоя накардани талаботи қонунгузорӣ вобаста ба амнияти санитарӣ – эпидемологӣ 164 нафар ва вайрон намудани қонунгузорӣ вобаста ба ҳимояи ҳуқуқи истеъмолкунандагон 95 нафар ба ҷавобгариҳои маъмурӣ кашида шуда, дар ин самт 19 адад парвандаҳои ҷиноятӣ оғоз гардид.