Имрӯз бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Кохи Суруши шаҳри Душанбе маросими ҷоизасупории соҳаи кор бо ҷавонон дар соли 2023 аз рӯйи 10 номинатсия баргузор гардид.

Зимни баргузории ин маросим Сайёра Шукурзода, хабарнигори рӯзномаи “Ҷавонони Тоҷикистон” барои фаъолияти пурсамараш бо Ҷоизаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар соҳаи рӯзноманигорӣ сарфароз гардонида шуд.

Аҳли эҷоди рӯзнома ин дастоварди навбатии ҳамқалами худро бо хушнудӣ пазируфта, барояш дар ҷодаи эҷод муваффақиятҳои нав ба навро таманно доранд.