Илҳомҷон Атоев, муовини раиси Хадамоти алоқаи назди Ҳукумати Ҷумҳурии Тоҷикистон зимни нишасти хабарӣ дар ҳузури рӯзноманигорон иттилоъ дод, ки сол то сол суръати воридшавии интернет ба Тоҷикистон зиёдтар гирдидаистодааст ва ин аст, ки соли 2022 суръати воридшавии онро мо ба 100 Гбит сония расонидем.

Дар идомаи ин гуфтаи хеш илова кард, ки ин нишондод дар соли 2021, яъне суръати воридшавии интернет ба Тоҷикистон 70 Гбит сонияро ташкил медод.

- Айни замон дар кишвар шумораи истифодабарандагони интернет дар якҷоягӣ бо истифодабарандагони интернети мобилӣ ва собит 4,2 миллион нафарро дар бар гирифтааст. Мо кӯшиш дорем, ки сатҳу сифати хизматрасонии интернетиро марҳила ба марҳила хубтару беҳтар гардонем. Барои ин техникаву технологияи ҳозиразамонро ба қадри имкон ворид намуда истодаем, - гуфт Илҳомҷон Атоев.