Соли 2021 дар Ҷумҳурии Тоҷикистон шумораи муштариёни умумии алоқаи мобилӣ наздик ба 8 миллион адад расида, аз ин шумора 5 миллиону 464 ҳазор ададашон муштариёни фаъол мебошанд.

Ин нуктаро 31 январ Илҳомҷон Атоев, муовини аввали раиси Хадамоти алоқаи назди Ҳукумати Ҷумҳурии Тоҷикистон зимни нишасти матбуотӣ ба рӯзноманигорон иттилоъ дод.

Инчунин гуфта шуд, ки солҳои охир шикояти истифодабарандагони интернет аз суръати паст доштани он зиёд шудааст. Имрӯз дар ҷумҳурӣ истифодабарандагони интернет 4,2 миллион нафарро ташкил медиҳад.

Масъулин сабаби паст шудани суръати интернетро аз зиёд шудани муштариён дар ҷумҳурӣ дониста, иброз доштанд, ки ин мушкилӣ дар кутоҳтарин муддат роҳи ҳалли худро меёбад.