Аз ҷониби Хадамоти иҷрои назди Ҳукумати Ҷумҳурии Тоҷикистон ба манфиати модару кӯдак зиёда аз 20, 1 млн. сомонӣ маблағи алимент ситонида шудааст, ки нисбат ба ҳамин давраи соли сипаришуда 7,4 млн сомонӣ зиёд аст.

Барно Саидвализода, раиси Хадамоти иҷро имрӯз бо зикри ин нукта зимни нишасти хабарӣ ҳамзамон таъкид намуд, ки дар маҷмӯъ 96 409 адад ҳуҷҷатҳои иҷро дар баррасии иҷрочиён қарор дорад.

Ҳамчунин гуфта шуд, ки нисбати 421 қарздорон бинобар барқасдона саркашӣ намудан, аз пардохти маблағи алимент бо пешниҳоди иҷрочиён тибқи талаботи моддаи 177 КҶ Ҷумҳурии Тоҷикистон аз ҷониби прокуратура парвандаи ҷиноятӣ оғоз гардидааст. 243 нафар қарздорон барои сари вақт напардохтани ин маблағ ва пинҳон кардани суроғаи ҷойи зисташон аз ҷониби суд мавриди кофтуков қарор доранд.