Дар асоси нақшаи чорабиниҳои Раёсати кор бо ҷавонон ва варзиши ВМКБ бахшида ба таҷлили сазовори 33-солагии Истиқлолияти давлатии Ҷумҳурии Тоҷикистон масъулини Раёсат бо машқварзони Муассисаи давлатии маркази тайёрии олимпӣ дар ВМКБ вохӯрии намуданд.

Дар ин бора аз матбуоти Раёсати кор бо ҷавонон ва варзиши ВМКБ иттилоъ доданд.

Гуфта шуд, ки дар вохӯри масъули бахши тарбияи ватандӯстии Раёсати кор бо ҷавонон ва варзиши ВМКБ Асадбекзода Асадбек иштирок ва суханронӣ намуд. Номбурда оиди дастовардҳои даврони соҳибистиқлолӣ ва масъалаҳои мубрами рӯз, бедор намудани ҳисси ватандӯстӣ дар замири ҳар шаҳрванд баромад карда, таъкид намуд, ки ҳиссаи ватандӯстӣ бояд дар дили ҳар шаҳрванди кишвар новобаста аз касбу кори рӯзгор ҳамеша бедор бошад.

Наҷиба МУРОДБЕКОВА, “ҶТ”