ҶОМЕА
Панҷшанбе 21 Ноябр 2019 01:10
1658
Имрӯз, 6 октябр, дар даромадгоҳи бинои КТН “Шарқи озод” чорабинии фарҳангии маҷаллаи “Хорпуштак” таҳти унвони “Мастер класс” доир гардид. Дар чорабинӣ рассомони ҷавон, рӯноманигорон, намояндагони Вазорати фарҳанг ва донишҷӯёни Коллеҷи рассомӣ ҳузур доштанд.



Дар рафти чорабинии фарҳагӣ саррасоми маҷалла Хайрулло Давлатов ва рассоми машҳур Бахтиёр Қаҳҳоров ба таълимгирандагони Коллеҷи рассомӣ хусусият ва чигунагии расмҳои ҳаҷвӣ ё карикатураҳоро фаҳмонданд. Аз ҷумла Хайрулло Давлатов иброз дошт, ки карикатура таърихи қадима дошта, он аз давраи атиқа то ба мо омада расидаст: “Дар аввали пайдоишаш карикатураро бо мақсади масхара кардан истифода мебурданд. Рафта-рафта он ба силоҳи идеологӣ мубаддал гардид. Ҳангоми ҷангҳо ва низоъҳои байнидавлатӣ онҳо якдигарро ба воситаи карикатура ҳаҷв мекарданд”, - гуфт А. Давлатов.

Ҳамчунин, аҳли қалами маҷаллаи “Хорпуштак” маҳсули эҷоди худро, ки аз тасвирҳои гуногуни ҳаҷвӣ иборат буданд, ба маъраз гузоштанд.



Ашрафи Афзал, сармуҳаррири маҷаллаи мазкур ҳадаф аз баргузории ин чорабиниро ҷалби рассомони ҷавон барои кашидани расмҳои ҳаҷвӣ ва карикатураҳо арзёбӣ намуд. “Мақсад дорем, ки дар оянда дар назди маҷаллаи “Хорпуштак” як мактаби махсуси рассомӣ ташкил кунем”, - гуфт ӯ.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.