Дар маҳаллаи Дашти поёни шаҳри Хоруғ майдони замонавии варзишӣ барои бозии футбол мавриди истифода қарор гирифт.

Дар маросими ифтитоҳи он Ёдгор Файзов, раиси Вилояти Мухтори Кӯҳистони Бадахшон, Мирзонабот Алишер Худоберди, раиси шаҳри Хоруғ ва намояндагони Федератсияи футболи Тоҷикистон иштироку баромад намуданд.

Таъкид гардид, ки майдони варзишӣ дар доираи таҷлили сазовори сисолагии Истиқлоли Ҷумҳурии Тоҷикистон бо дастгирии бевоситаи Президенти Федератсияи футболи кишвар муҳтарам Рустами Эмомалӣ кушода шуда, ҷавонону сокинони ин маҳаллаи шаҳр минбаъд имконияти бештаре барои шуғл варзидан ба футболбозию рушд додани ин намуди варзиш пайдо карданд.

Дар интиҳо либосу лавозимоти варзишӣ ба кӯдакону наврасони маҳалла ҳадя гардид.