Бахши кор бо ҷавонон ва варзиши шаҳри Хоруғ дар ҳамкорӣ бо идораву сохторҳои маҳаллӣ дар кабудизоркунию ободонии шаҳр мусоидат менамояд.

Дар ин бора мудири бахш Имомёрбек Имомёрбеков иттилоъ дода гуфт, ки феълан зиёда аз 11 намуд гулҳои ороишӣ, навниҳолҳои ҳархела аз тарафи идораи ҳифзи муҳити зисти ВМКБ дастрас гашта, дар назди чорроҳа ва варзишгоҳи марказӣ, майдони Исмоили Сомонӣ, шафати бинои Донишгоҳи давлатии Хоруғ ба номи Моёншо Назаршоев ва дигар маҳаллаҳо шинонда шуданд.

Манбаъ зикр намуд, ки корҳои кабудизоркунӣ дар ҳамаи кӯчаҳои шаҳр бомаром идома доранд.