Дар Донишгоҳи давлатии Хоруғ ба номи Моёншо Назаршоев бо ҷалби 296 нафар донишҷӯи донишгоҳ озмуни “Ҳафтаи хобгоҳ” оғоз гардидааст.

Тавре аз Шуъбаи кор бо ҷавонони донишгоҳ иттилоъ доданд, озмуни маърифатӣ – варзишӣ дар асоси супориши ректори донишгоҳ, профессор Гулзорхон Юсуфзода байни донишҷӯёни хобгоҳҳои донишгоҳ бо ҳадафи дар сатҳи баланд баргузор намудани 30-солагии Истиқлолияти давлатии Ҷумҳурии Тоҷикистон, Рўзи байналмилалии волонтёрон, инчунин дар рӯҳияи баланди хештаншиносӣ, ватандўстӣ тарбия намудани ҷавонон ва ҷалби ҷавонон ба китобхониву рушди ҳунарҳои мардумӣ то рӯзи 10 декабри соли равон доир мешавад.

Ғолибон озмун бо ифтихорнома, туҳфаҳои хотиравӣ ва мукофотпулии раёсати донишгоҳ қадр карда мешаванд.