Шаҳри Хоруғ ва ноҳияҳои Дарвозу Шуғнони Вилояти Мухтори Кӯҳистони Бадахшон нақшаи даъвати баҳории ҷавонписарон ба хизмати ҳарбӣ дар сафи Қувваҳои Мусаллаҳи Ҷумҳурии Тоҷикистонро дар як рӯз иҷро карданд.

Тавре аз мақомоти иҷроияи ҳокимияти давлатии шаҳру ноҳияи Шуғнон ва Бахши кор бо ҷавонон ва варзиши ноҳияи Дарвоз хабар доданд, Шуғнону Дарвоз сад фоизӣ ва шаҳри Хоруғ нақшаи навбатиро барзиёд, яъне 102 фисад таъмин карданд.

Маъракаи даъват дар дигар ноҳияҳои вилоят ҳам бомаром идома ёфта, итминон аст, ки ВМКБ ин давра ҳам дар ҷумҳурӣ аввалин шуда, нақшаро дар кутоҳтарин рӯзҳо ба иҷро мерасонад.