ҶОМЕА
Душанбе 20 Январ 2025 11:30
Зери ҳамин унвон бо ибтикори Донишгоҳи давлатии Хоруғ (ДДХ) ба номи Моёншо Назаршоев дар ҳамкорӣ бо Институти илмҳои гуманитарии ба номи Баҳодур Искандаров ба ифтихори 24 - солагии Ваҳдати миллӣ конференсияи илмӣ - амалӣ баргузор гардид.
Дар конференсия муовини ректор оид ба таълими донишгоҳ Мамадризо Алимшоев, директори институти болозикр Қаландариён Ҳоким Сафар, номзади илмҳои филологӣ Ниёзалӣ Қамбаров ва дигар олимону устодони ДДХ иштироку баромад. карданд.
М. Алимшоев, муовини ректор оид ба таълими ДДХ зимни ифтитоҳи чорабинӣ ва ироаи мавзӯи “Эмомалӣ Раҳмон – меъмори Ваҳдат” иброз намуд, ки 9 сентябри соли 1991 бо амри тақдир ва баъди садсолаҳо маҳрумияту нокомиҳо, бадбахтию парешониҳо дар харитаи сиёсии ҷаҳон давлати соҳибистиқлоли миллати тоҷик бо номи Ҷумҳурии Тоҷикистон арзи ҳастӣ карду ба туфайли Пешвои муаззами миллат шӯълаи умед дар қалби миллати тоҷик фурузон гардид.
Номбурда дар идома гуфт: “Роҳи наҷотро аз ин вартаи ҳалокат ва гирдоби ноумедиҳо маҳз Иҷлосияи ХVI - уми Шӯрои Олии Ҷумҳурии Тоҷикистон муайян кард ва дар он замон ҷавонмарди олитаборе бо исми мубораки Эмомалӣ Раҳмон сари қудрати сиёсии мамлакат омада, бо ҳарфу нидои наҷотбахш “Ё ман дар Тоҷикистон сулҳро барқарор мекунам, ё дар ин роҳ ҷони худро нисор менамоям!” дар дили ҳазорон нафар ҷой гирифт ва ин албатта аз дамидани субҳи оромию осудагӣ дар саросари мамлакат башорат дод. Яъне ин муроҷиат пеш аз ҳама заминаи хоса дар қатъи ҷанги шаҳрвандӣ, баргардонидани гурезаҳо, муҳоҷирони иҷборӣ ба макони зист, барқарор сохтани ҳазорҳо хонаю иншооти бар асари ҷанг харобгашта ва сари мизи музокирот нишастани роҳбарони неруҳои бо ҳам мухолифро гузошт”.
Ба таъкиди номбурда роҳбарии хирадмандонаи Президенти кишвар муносибати самимона, ҳамкорӣ дар фазои ҳамдигарфаҳмиву заковати азалии мардуми бофарҳанги тоҷик боис гашт, ки 27 июни соли 1997 “Созишномаи истиқрори сулҳ ва ризоияти миллӣ” имзо гардиду сулҳи деринтизори тоҷикон ба миён ояд.
Инчунин, дар конференсия Шофақирова Рушонгул, номзади илмҳои филология перомуни мавзӯи “Ваҳдати миллӣ бақои миллат”, Саидраҳмонов Насим, ассистенти кафедраи таърихи халқи тоҷики ДДХ оид ба мавзӯи “Паёмадҳои Ваҳдати миллӣ ва ҳисси масъулиятшиносии шаҳрвандон” маърӯза намуданд.
Дар конференсия муовини ректор оид ба таълими донишгоҳ Мамадризо Алимшоев, директори институти болозикр Қаландариён Ҳоким Сафар, номзади илмҳои филологӣ Ниёзалӣ Қамбаров ва дигар олимону устодони ДДХ иштироку баромад. карданд.
М. Алимшоев, муовини ректор оид ба таълими ДДХ зимни ифтитоҳи чорабинӣ ва ироаи мавзӯи “Эмомалӣ Раҳмон – меъмори Ваҳдат” иброз намуд, ки 9 сентябри соли 1991 бо амри тақдир ва баъди садсолаҳо маҳрумияту нокомиҳо, бадбахтию парешониҳо дар харитаи сиёсии ҷаҳон давлати соҳибистиқлоли миллати тоҷик бо номи Ҷумҳурии Тоҷикистон арзи ҳастӣ карду ба туфайли Пешвои муаззами миллат шӯълаи умед дар қалби миллати тоҷик фурузон гардид.
Номбурда дар идома гуфт: “Роҳи наҷотро аз ин вартаи ҳалокат ва гирдоби ноумедиҳо маҳз Иҷлосияи ХVI - уми Шӯрои Олии Ҷумҳурии Тоҷикистон муайян кард ва дар он замон ҷавонмарди олитаборе бо исми мубораки Эмомалӣ Раҳмон сари қудрати сиёсии мамлакат омада, бо ҳарфу нидои наҷотбахш “Ё ман дар Тоҷикистон сулҳро барқарор мекунам, ё дар ин роҳ ҷони худро нисор менамоям!” дар дили ҳазорон нафар ҷой гирифт ва ин албатта аз дамидани субҳи оромию осудагӣ дар саросари мамлакат башорат дод. Яъне ин муроҷиат пеш аз ҳама заминаи хоса дар қатъи ҷанги шаҳрвандӣ, баргардонидани гурезаҳо, муҳоҷирони иҷборӣ ба макони зист, барқарор сохтани ҳазорҳо хонаю иншооти бар асари ҷанг харобгашта ва сари мизи музокирот нишастани роҳбарони неруҳои бо ҳам мухолифро гузошт”.
Ба таъкиди номбурда роҳбарии хирадмандонаи Президенти кишвар муносибати самимона, ҳамкорӣ дар фазои ҳамдигарфаҳмиву заковати азалии мардуми бофарҳанги тоҷик боис гашт, ки 27 июни соли 1997 “Созишномаи истиқрори сулҳ ва ризоияти миллӣ” имзо гардиду сулҳи деринтизори тоҷикон ба миён ояд.
Инчунин, дар конференсия Шофақирова Рушонгул, номзади илмҳои филология перомуни мавзӯи “Ваҳдати миллӣ бақои миллат”, Саидраҳмонов Насим, ассистенти кафедраи таърихи халқи тоҷики ДДХ оид ба мавзӯи “Паёмадҳои Ваҳдати миллӣ ва ҳисси масъулиятшиносии шаҳрвандон” маърӯза намуданд.
Хабарҳои дигар
Рӯзнома
Эзоҳи худро нависед