ҶОМЕА
Якшанбе 07 Март 2021 04:06
7565
Имрӯз дар Китобхонаи миллии Тоҷикистон бахшида ба Рӯзи Президенти Ҷумҳурии Тоҷикистон Конференсияи ҷумҳуриявӣ дар мавзӯи “Ҷавонон таҳкимбахши дастовардҳои даврони соҳибистиқлолӣ ва пайравони Пешвои миллат” баргузор гардид.

Дар конференсия раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, муовини раиси Маҷлиси намояндагони Маҷлиси Олии Ҷумҳурии Тоҷикистон, роҳбарони вазорату идораҳои дахлдор, ректорони муассисаҳои таҳсилоти олии касбӣ, ҷоизадорони ба номи Исмоили Сомонӣ, гирандагони Стипендияи президентӣ ва шаҳрӣ, волонтёрон ва ҷавонони фаъоли шаҳр иштироку суханронӣ намуданд.

Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни суханронии хеш сараввал ҳамаи иштирокчиёни конфронсро ба “Рӯзи Президент” табрику таҳният гуфта, дар идома гуфт: “Мо бояд шукрона аз соҳибистиқлолии Тоҷикистони азиз ва сиёсати хирадмандонаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кунем, ки имрӯз дар фазои сулҳу субот, хонаи пурбаракату Ватани биҳиштосо кору зиндагӣ дорем. Хеле хуб аст, ки ҷавонони имрӯза муваффақияту комёбиҳои худро маҳз аз ғамхориҳои Пешвои муаззами миллат медоданд. Имрӯз мо рӯзи басо пурифтихорро ҷашн мегирем ва боз таъкид мекунам, ки ҳар як фарди тоҷик, бахусус ҷавонони мо бояд тамоми қувва ва неруи худро дар роҳи ҳимояи кишвар ва гулгулшукуфоии он сарф намоянд”.

Ҳамзамон гуфта шуд, ки ин санаи муборак барои мардуми шарафманди тоҷик рӯзи муқаддас аст. Зеро ки мо имрӯз бо ғамхориҳои Сарвари давлат муҳтарам Эмомалӣ Раҳмон дар фазои сулҳу субот умр ба сар мебарем. Вақте ки сухан дар бораи нодиртарин падидаи ҳаёти тоҷикон дар 29 соли Истиқлолияти Ҷумҳурии Тоҷикистон меравад, симои абармарди тоҷикон Ҷаноби олӣ муҳтарам Эмомалӣ Раҳмон ҳамчун қаҳрамони тоҷикон пеши назар ҷилвагар мешавад. Ва мо ифтихор аз он мекунем, ки чунин роҳбари ғамхор дорем. Ҷавобан ба ҳамаи ғамхориҳои ӯ ҳар яки мо бояд барои боз ҳам ободу зебо гардонидани кишвари худ саҳмгузор бошем.

Дар идомаи конференсия Амонзода Ширин, вазири меҳнат, муҳоҷират ва шуғли аҳолии Ҷумҳурии Тоҷикистон дар мавзӯи “Пешвои миллат ибратбахши ҷавонон, шуғли ҷавонон асоси рушди ҷомеа, шароитҳои фароҳамгардида ва имкониятҳои устувор” суханронӣ намуда, аз ҷумла афзуд: “Баргузории чорабинии имрӯза барои ҳар як фарди тоҷик хеле муҳим ва зарур аст, чунки бо шарофати Сарвари давлат муҳтарам Эмомалӣ Раҳмон ҳамаи мо дар ҷодаҳои гуногун кор ва фаъолият мекунем. Бахусус ҷавонони фаъоли кишвар, ки созандаи миллату давлат мебошанд, аз диду назари Роҳбари давлат дар сафи пеш ҳастанд. Пешвои муаззами миллат муҳтарам Эмомалӣ Раҳмон ҳамеша барои дастгирии онҳо ва барои боз ҳам беҳтар намудани шароити онҳо саъю кӯшиши беандоза мекунанд. Далели ин гуфтаҳо он аст, ки дар Паёми ахири Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ таъкид карда шуд, “ҷавонони мо давомдиҳандагони хуби фаъолияти насли калонсол, неруи тавоно ва пешрафти ҷомеа, хулоса ояндаи давлат мебошанд”.

туҳфа.jpg

Ҳамчунин дар ҷараёни конференсия аз ҷониби иштирокчиёни дигар низ маърӯзаҳо хонда шуда, дар фарҷоми ин чорабинӣ ғолибони озмунҳое, ки аз ҷониби Кумитаи кор бо ҷавонон ва варзиш роҳандозӣ гардида буданд, бо сипоснома ва туҳфаҳои хотиравӣ қадрдонӣ шуданд.

Наҷиба МУРОДБЕКОВА,
Рустам ОДИНАЕВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Март 2021 c.