Дар ноҳияи Рӯшон бо иштироки роҳбарону намояндагони Раёсати КДАМ дар ВМКБ, Шуъбаи маориф ва илми ноҳия, бахшҳои кор бо ҷавонон ва варзиш, оид ба корҳои дин, танзими анъана ва ҷашну маросимҳои миллӣ ва ҷавонону хонандагон дар мавзӯи “Конститутсия – таҳкимбахши давлати ҳуқуқбунёд” мизи мудаввар баргузор гардид.

Шӯҳрат Алиев, сармутахассиси Бахши кор бо ҷавонон ва варзиши ноҳия зимни сухани ифтитоҳӣ қайд намуд, ки Конститутсия роҳнамои миллат буда, дар рушду нумӯи кишвари соҳибистиқлоламон саҳми беандоза дорад.

Собиқадори меҳнат Ҳокимшоҳ Мирзошоев перомуни арҷ гузоштан ба ин санади давлатӣ, нақши он дар идоракунии сохторҳо, ҳуқуқу озодиҳои шаҳрвандон ва дигар паҳлӯҳои асосии Конститутсия ибрози андеша намуд.

Ҳамчунин, Рамзӣ Зулобиев, иҷрокунандаи вазифаи суди ноҳия, Шӯҳрат Қувватов, корманди Бахш, Лоиқ Қуръонов, омӯзгори Мактаб–интернати ҷумҳуриявии Рӯшон, Рафоат Баҳодурхонова, мутахассиси Шуъбаи моариф, Матлуба Хуҷандиҷонова, муаллимаи МТМУ №9 дар мавзӯҳои “Таърихи Конститутсияи Ҷумҳурии Тоҷикистон”, “Конститутсия – таҳкимбахши давлати ҳуқуқбунёд”, “Конститутсия – кафили сулҳ”, “Конститутсия – шиносномаи миллат” ва “Конститутсия – пойдевори миллат” маърӯза намуданд.

Дар охир адибони наврас ва толибилмони Мактаб–интернати ноҳиявӣ маҳсули эҷодии хеш – шеъру таронаҳояшонро бо забонҳои тоҷикӣ, русӣ ва англисӣ пешкаши ҳозирин карданд.