Муҳибулло Рамазонов, сокини деҳаи Солмолидашти ҷамоати деҳоти “Тоҷикистон”- и ноҳияи Балҷувон дар пайравӣ аз сиёсати ободкоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пули роҳи аз офати табиӣ зарардидаи деҳаи Солмолидаштро аз ҳисоби худ сохта истодааст.

Бино ба гуфти манбаъ, пули мазкур бараш шаш метр ва дарозияш бисту панҷ метр буда, сохтмони он бомаром идома дорад. Сокинони маҳалла аз иқдоми мазкур истиқбол намуда, барои тезтар сохтани он ба ҳашари дастаҷамъона баромадаанд.

Ёдовар мешавем, ки бар асари омадани сел аз талу теппаҳои деҳаи Солмолидашт дар моҳи марти имсол яке аз қисматҳои роҳи мошингузари деҳаи мазкур харобу пули мазкур вайрон гардида буд.