Яҳё Маҳмаднабиев - мудири шуъбаи варзиш ва сайёҳии Муассисаи давлатии рӯзномаи “Ҷавонони Тоҷикистон” бо сипосномаи Кумитаи кор бо ҷавонон ва варзиши назди Ҳукумати Ҷумҳуриии Тоҷикистон қадрдонӣ гардид.

Сипоснома ба мудири шуъбаи варзиш ва сайёҳии рӯзнома барои тарғиби васеи соҳаи варзиш, муаррифии дастовардҳои ин соҳа, ташвиқи ҷавонон ба тарзи ҳаёти солим дар маросими ҷамъбаст ва ҷоизасупории соҳаи тарбияи ҷисмонӣ ва варзиш дар соли 2025, ки 18 феврал дар меҳмонхонаи “Karon Palace”-и шаҳри Душанбе баргузор гардид, супорида шуд.

Дар ин чорабинӣ беҳтарин варзишгарону мураббиён ва рӯзноманигорони соҳаи варзиши кишвар қадршиносӣ шуданд.

Мавриди зикр аст, ки чорбании мазкур ҳамасола аз ҷониби Кумитаи кор бо ҷавонон ва варзиши кишвар баргузор гардида, дар он беҳтаринҳои соҳаи варзиш ҳавасманд гардонида мешаванд.

Фарзонаи Умаралӣ, “ҶТ”