Ду корманди рӯзномаи “Ҷавонони Тоҷикистон” - Хуршед Шарипов, муовини сармуҳаррир ва Наҷиба Муродбекова, муҳаррири шуъбаи иқтисод ва иҷтимои рӯзнома ғолиби озмуни ҷумҳуриявии “Соли 2025 - соли байналмилалии ҳифзи пиряхҳо” гардиданд.

Озмуни ҷумҳуриявии асари беҳтарин ба муносибати “Рӯзи байналмилалии ҳифзи муҳити зист ва рӯзи обуҳавошиносони Ҷумҳурии Тоҷикистон - 5 июн” бо ташаббуси Маҷлиси намояндагони Маҷлиси Олии Ҷумҳурии Тоҷикистон роҳандозӣ гардида, он 31-уми майи соли ҷорӣ ҷамъбаст гардид.

Дар озмуни мазкур Хуршед Шарипов, муовини сармуҳаррири рӯзномаи “Ҷавонони Тоҷикистон” бо дипломи дараҷаи III ва туҳфаи арзишманд, Наҷиба Муродбекова, муҳаррири шуъбаи иқтисод ва иҷтимои рӯзнома бо сипоснома ва туҳфаи хотиравӣ сарфароз гардонида шуданд.

Ёдовар мешавем, ки озмуни мазкур аз моҳи сентябри соли 2023 эълон гардида, дар он қишрҳои гуногуни ҷомеа ширкат намуданд.