ҶОМЕА
Сешанбе 27 Октябр 2020 10:50
6832
То санаи 6-уми феврали соли ҷорӣ дар Тоҷикистон ҳамагӣ 645 нафар шаҳрвандони кишвар, аз онҳо 47 нафар шаҳрвандони Ҷумҳурии Мардумии Чин дар беморхонаҳои сироятии мамлакат бистарӣ гардида, аллакай ба карантин фаро гирифта шудаанд. Аз ҷумла, 372 нафари онҳо дар шаҳри Душанбе бистарӣ мебошанд.

Олимзода Насим Хоҷа, вазири тандурустӣ ва ҳифзи иҷтимоии аҳолии Ҷумҳурии Тоҷикистон, ин нуктаро 6 феврал зимни нишасти матбуотӣ иброз дошта, дар шарҳи он гуфт: “Онҳо давоми 14 рӯз бистарӣ гардида, дар ҳолати ошкор гардидани коронавирус шахси сироятёфта ба ҳуҷраҳои махсус интиқол дода хоҳад шуд”.
“Бо мақсади пешгирӣ ва ошкорсозии бемории сироятии коронавирус, ки имрӯзҳо мубориза ба он дар Ҷумҳурии Мардумии Чин идома ёфта, ин вирус дар 27 кишвари дунё ба қайд гирифта шудааст, дар Тоҷикистон низ ҷиҳати таъмини амнияти санитарию эпидемиологӣ корҳои пешгирӣ ва чораҳои омодабошӣ ҳаматарафа амалӣ карда шуда истодааст. Айни замон дар 27 гузаргоҳҳои наздисарҳадии калону хурд масъулон бо ҷалби мутахассисони тиббию санитарӣ ва эпидемиологҳо фаъолияти шабонарӯзӣ мебаранд”, - таъкид намуд Олимзода Насим Хоҷа, вазири тандурустӣ ва ҳифзи иҷтимоии аҳолии кишвар.
Гуфта шуд, ки то имрӯз дар тамоми ҷаҳон аз коронавирус 28 ҳазору 274 нафар сироят ёфта, дар натиҷа 565 нафар ба ҳалокат расидааст.

Дар идома ҷиҳати баргардонидани шаҳрвандони кишвар, аз ҷумла донишҷӯёни тоҷик, ки дар маркази хуруҷи бемории сироятии коронавирус қарор доранд, вазири тандурустӣ ва ҳифзи иҷтимоии аҳолии Ҷумҳурии Тоҷикистон Олимзода Насим Хоҷа иброз дошт: “Имрӯз ситоди доимамалкунандаи ҷумҳуриявӣ дар Тоҷикистон арзи вуҷуд дошта, коронавирус таҳти назорати бевоситаи Сарвари миллат аст. Имрӯз ва ё фардо масъалаи аз шаҳри Ухани кишвари Хитой баровардани 58 нафар шаҳрвандон, аз ҷумла донишҷӯёни тоҷике, ки дар онҷоянд, дар назар аст”.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Октябр 2020 c.