Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар нимсолаи якуми соли 2018 ҷиҳати муаррифии имкониятҳои соҳибкориву сармоягузории ҷумҳурӣ 11 форум ва ҳамоишҳи соҳибкорӣ, 6 чорабинӣ дар шаҳри Душанбе ва 3 чорабинӣ дар хориҷи кишвар баргузор намудааст.

Раиси кумита Ҳамрализода Фаррух 1 август дар нишасти матбуотии ниҳоди мазкур зикр намуд, ки дар доираи ҳамоишҳои мазкур зиёда 245 санадҳои ҳамкорӣ бо маблағи 6,7 млн. сомонӣ ба имзо расонида шуд.

Ҳамчунин гуфта шуд, ки кумита дар соҳаҳои мухталифи иҷтимоию иқтисодии мамлакат 70 лоиҳаи давлатии сароягузорӣ, 25 лоиҳаи грантӣ, 13 лоиҳаи қарзӣ ва 32 лоиҳа дар ҳаммаблағгузории қарзу грант ба маблағи беш аз 29 млрд. сомонӣ амалӣ гардида истодааст.